Karl
Kurrus: E Bizili (Lied) | Johann Peter
Hebel: Auf den Tod eines Zechers |
Rosemarie Banholzer: Leit vu heit
E Bizili (Lied)
Karl Kurrus
Im Lebe will mer des un sell,
am liabste alles, un des gschnell.
Doch alles kann mer nit gli ha;
dr brüchsch Geduld. Gang subtil dra.
E Bizili, des duat scho guat.
E Bizili git neie Muat.
Muasch alles nit uf eimol ha.
Uf s Bizili kunnts mänkmol a.
Un wenn dr s hesch, dno frai di gli,
un tua e Bizili zfriede si!
Vum Maidli, buschber un so nett,
traimt einer: "Wenn i des bloß hätt!"
Er trifft des Schätzli, sapperlot.
Doch, s will nit alles, wu er wott.
E Bizili, des duat scho guat . . .
Dr Dokter sait, dr Alkohol
duat dire Gsundheit gar nit wohl.
Dü sottsch mit allem mäßig si,
un des erst recht bim guate Wi.
E Bizili, des duat scho guat . . .
Auf den Tod eines
Zechers
Johann Peter Hebel
Do hen si mer e Ma vergrabe.
's isch schad für sini bsundere Gabe.
Gang, wo de witt, suech no so ein!
Sel isch verbei, de findsch mer kein.
Er isch e Himmelsg'lehrte gsi.
In alle Dörfere her un hi
se het er gluegt vo Hus zu Hus:
Hangt nienen echt e Sternen us?
Er isch e freche Ritter gsi.
In alle Dörfere her un hi
se heter gfogt enanderno:
"Sin Leuen oder Bäre do?"
E guete Christ, sel isch er gsi.
In alle Dörfere her un hi
se het er untertags und z'nacht
zum Chrütz si stille Bueßgang g'macht.
Si Namen isch in Stadt und Land
bi große Here wohl bikannt.
Si allerliebsti Kumpanie
sin alliwil d'Drei Künig gsi.
Jez schloft er und weiß nüt dervo.
Es chunnt e Zit, goht's alle so.
Leit vu heit
Rosemarie Banholzer
Wo d'naluegsch, siehsch nervese Leit,
ganz gschupft vum Umehetze,
die hond a nint meh räete Feud
vor luter Wetze, Wetze, Wetze.
Me nimmt de Karre, des goht schnell
-wer wett denn heit no laufe?-
und parkt all a de gliiche Stell,
mueß jede Stund e Stündle "kaufe".
Denn huddlet me is Biro nei,
wo's Delefon scho schellet,
de richtig Eistand kriegt me glei,
wenn's usem Hörer bället.
Wo d'naluegsch, siehsch se umejage
terminvehetzte Leit,
noch allem Gischble, Hetze, Hagle,
suschd brängt mes jo it weit.
Und so vegoht denn 's ganze Läbe
nonstop bis ame schäne Dag
anen Computer wird vegäbe
de Arbeitsplatz. -Trifft di de Schlag,
hosch uusghetzt und bruuchsch nimme renne,
de Parkplatz hot en and're bsetzt,
doch nint hosch vu dem Dauerpenne,
zum Bessere isch's z'spot halt etzd.
