Markus
Manfred Jung: Uf d Zittig isch Verlaß |
Michael Maier: Wissener was tätschmer isch? |
Thomas Burth: Me mues es nu vewarte kenne
| Herbert Burkhardt: D Solatkepfli
Uf d Zittig isch Verlaß
Markus
Manfred Jung
Wie alli
wohizivilisirte Mensche, so hän au mir e Ziittig, well
mer doch
wüsse wott, was d Welt un was unser Stedtli so umtriibt.
Un weil mer sich
halt uf si Ziittig cha verlo. Wie zum Biischpil am
letschte Mäntig: Do lisisch
bim z Morgenäh, aß de Metzgermeischter Hans-Peter Engel
am Samschtig
uf siim Velo aagfahre worden isch un jetz im Chrankehuus
liit. Je nu.
Jetz chennsch du
aber zuefällig de Metzgermeischter Hans-Peter Engel,
well
er emool mit diinre Großcusiinen e Wiili uf Busaschi
gangen isch. Du
weisch aber au, aß er mit Vorname nit Hans-Peter heißt,
sondern Fridolin
un nit Metzgermeischter isch, aber Briefträger. Si
Vatter wäger, seller isch
Metzger gsi, luegt aber d Radiisli lang scho vo unten aa.
Un si Brueder, wo
ganz richtig Hans-Peter heißt, hät erschtens ke Velo un
isch zweitens Holz-
fäller im Bayrische Wald. Je nu.
De Briefträger
Fridolin Engel aber isch nit aagfahre worde. Er hät ganz
eifach mit siim Velo e Teligrafeschtange mieße mitnäh,
unfreiwillig, denk i,
well er nämli e Sürmel im Gsicht gha hät. Un sell isch
friehj am Sunntig-
zmorge gsi. Des weisch du also, des eindi mool, ganz
zuefällig. Aber die
andre hunderttausigmool, wos nit weisch, well de numme
zwee Großcusine
häsch, un di ander scho viil z alt für d Busaschi isch,
do verlosch di halt uf d
Ziittig. Jo wägerli, uf d Ziittig isch halt Verlaß. Je
nu.
Wissener was tätschmer
isch ?
Michel
Maier
“Tätschmer” ... des
isch bi de Fraue
e Machtwort, wu de Maa z'verdaue,
wu de Maa au z'mache het,
ob ers mache will, ob net!
Am Morge, kuum bisch
in de Hose,
muesch schu uf sel Tätschmer loose:
Tätschmer nit no
Holz un Kohle?
Tätschmer nit Hertepfel hole?
Tätschmer, Liebschter, no ganz schnell?
Tätschmer des un tätschmer sell?
Tätschmer, Liebschter, wenn de wit?
Tätschmer, oder tätschmer nit?
Tätschmer trage mini Täsche?
Tätschmer helfe ‘s G'schirr abwäsche?
Wenn sich ein’ am
Tätschmer stört,
wenn er's johrelang so hört,
dem gib ich e guete Rot:
Sei bim Tätschmer jo uf Droht!
Wenn dini Frau sait:
Tätschmer schnell,
tätschmer des un tätschmer sel ...
mach’s halt, denn was liegt schu dra,
machsch es nit, gits e Trara!
Also mach’s, wa isch
debii,
‘s Wiibli wird dno z'friide sii ...
Wenn'd sie nämlig
nit wit kränke,
därfsch's nit sage, numme denke,
denk d'no eifach: Liebi Rose,
tätschmer in de Hobel bloose!
Tuesch es jetzt au
recht kapiere
was es heißt, des pensioniere?
De kasch's wende un kasch's b'schaue,
de bisch so un so verhaue!
I ha d’r Rotschläg
gäh für d’Nierli,
für d'Leb're un au für dii Herz!
E Rotschiag aber für's Figürli
dä nimm au ernscht, dä isch kei Scherz!
Verzicht uf's viele
guete Esse!
Halt Maß in allem, wa de tuesch!
Es wär vu dir halt schu vermesse
wenn'd meinsch, dass'd jetzt halt suffe muesch.
Tüen dini
“Klubkam'rade” locke
mit Kartespiil un an'dre Krämpf -
Loss sie allei am Stammtisch hocke,
denn des sin lutter dummi Dämpf!
Vum Suffe kriegsch e
dicke Ranze,
de merksch, daß des beschwerlich isch -
Gang lieber mit dim Wiibli tanze,
dert merksch, dass'd halt no g'lenkig bisch.
Gang au in Wald un
tue di trimme
- des brucht halt so e ält're Maa -
dno tuet de Bluetkreislauf no stimme
un Freude hesch au no do dra.
So, jetz weisch
B'scheid, was'd mache sottsch
au wenn de des un sel nit wottsch...
Me mueß es nu vewarte
kenne
Thomas
Burth
Machsch du scho heit
des Kälble hi
hosch zwar ä Fleisch
und des au gli
doch wenn de warte
kasch
bis später
gits Milch und Käs
und Butterbröter
und neie Kälble
no dezue
im Topf ä Fleisch
im Stall ä Kueh
D
Solatkepfli
Herbert
Burkhardt
In sellem Lade am
Ecke gits scheeni Solatkepfli.
»1 Kopf Salat 48 Pfennig« isch ufem Schildli
gschdande,
wu am Kischtli ghängt isch.
Meinenr de Solat isch kauft wore? Jo welleweg, fascht
aller isch Zowe noch do gsi! Un wu de Oddl dra
vrbeigloffe isch, hetr im Alfred - sellem het nämlig de
Lade khert - ebbis ins Ohr gliislet.
Am andere Morge schdoht ufern Schildli bim Solat:
»1 Kopf 48 Pfennig, 2 Stück nur 96 Pfennig«!
E Schdund druf isch aller vrkauft gsi - awwr zwei-
Schdick-wiis! Jo, d Lyt sin halt eso.
