Klaus
Meier: Wa meinsch Du? | Heinz Reiff:
Wenni | Johannes Kaiser: Stell der vor
| Philipp Brucker: Dr Danzknopf
Wa meinsch Du ?
Klaus
Meier
D’Lüt
säget immer
d’Zite
wöret schlimmer.
Ich mein
Zite blibet immer
nu d’Lüt
wöret schlimmer.
Wenni...
Heinz Reif
Wenni chönnti
wieni wotti
täti denki
wasi sotti
nehmti alles
öbbis lugger -
Bliibi halt
en arme Schlucker
lebe tueni
eineweg
Wenni hätti
wasi brüüchti
wäri meini
au e Lüüchti
miechti Gümp
nit numme Gümpli -
Bliibi halt
e Cherzestümpli
brenne tueni
eineweg
Wenni wüssti
wiemes miechti
ass eim ghörti
was me seechti
giengti denk
im Glück drin unter -
Pfyffi uf
de ganzi Plunder
sterbe tueni
eineweg
Stell der vor
Johannes
Kaiser
Stell der
vor, ‘s wär Nacht, du chönntsch nüt seh.
Stell der vor, du hörsch nur, was i spil,
Stell der vor, i det der alles geh,
Alles det i spile, ‘s wär nit viil.
Detsch du höre, wer i numme bi?
Detsch du seh, wie wenig aß i hätt?
Was i will, isch niene richtig gsi,
Detsch es spüre, wenn i’s sage det?
Stell der vor, ‘s wär Nacht, i wär bi dir.
Stell der vor, i wet, aß du mi nimmsch.
Stell der vor, i wär e großes Füür,
Wo rueihg und luutlos drüberschwimmsch.
Detsch du höre, wie mi Lied verbrennt,
Über dem du nüt als Leeri sihsch?
Detsch du finde, aß mer alles chennt?
Detsch du seh, wie wenig aß es isch?
Wenn du gohsch, no nimm ‘s Verlange mit.
Gang e neue Weg, wo vo mer fiehrt.
Was mer do erlebt hän all die Ziit,
Stell der vor, ‘s wär d’ Sunne, wo verfriert.
Dr
Danzknopf
Philipp
Brucker
Dr Danzknopf
kannsch zum Danze bringe,
Dofir sin selli Rille dran.
Du bruchsch kei Musik, muesch nit singe
Muesch bloß e guedi Geißel han.
Schun duet'r Dir bim Danz barriäre
Un drillt sich so, wiä Du’s grad witt.
Bloß d’ Geißel mueß-em eini schmiäre,
No macht'r aller Unsinn mit.
So geht's au uns in unsrem Lewe:
E Großer kommt oft so doher
Un duet schnell sinni Geißel hewe
Un geißelt uns bös vor sich her.
Bis mir no alles lambe losse
Un keije, will mr dirmlig sin
Vun denne Herre ihre Posse!
Bisch Du au schun e Danzknopf gsin?
