Hubert Baum: Naturgsetz |
Relinda Schmidt: S wird heiter |
Gerhard Jung: Miregal | Walter
Fröhlich: Erziehungsprobleme
Naturgsetz
Hubert Baum
“Ehrfurcht
vor dem Leben”
Albert Schweizer
Loos, i hör
der Wald brüellt:
e Bueche verdruckt e Tännli.
Loos, i hör
e Chrut brüellt:
e Rupe chnarflet es z tot.
Loos, i hör
e Rupe brüellt:
drißig Made fresse si uf.
Loos, i hör
e Summervögeli brüellt:
e Schwälmli verschlingt s.
So mueß es
halt sii; denn:
Lebe wird ewig us Lebe erhalte!
Loos, i hör
e Mensch brüellt:
der Mensch mordet e Mensch
im Friede un Chrieg
un er lebt nit dervo.
S wird heiter
Relinda Schmidt
E Chinderlache,
wie glücklich da macht.
S wird so heiter
i re finschtere Nacht.
S vrzaubret alli,
macht frohe Muet.
Da fröhlich Lache
duet jedem guet.
Miregal
Gerhard Jung
Do sag i s, do
am runde Tisch,
Un wenn die Welt e Tollhuus isch
un jedis Land ei Naresaal,
wo s drunter un wo s drüber goht
bis kein meh hüscht weiß oder hot,
was goht des mi a?
Miregal!
I ha die Welt,
des Irrehuus
nit gmacht, suscht säch si anderst uus,
do gäbs kei Chrieg un kei Spital
un alles dät in Ordnig si.
Doch lost denn neume ein uf mi?
Wer s anderst ha will!
Miregal!
Soziale
Fortschritt meinet ihr?
Kei Finger mach i chrumm däfür.
I schaff mi Sach un stüür un zahl!
Ufrege? Bloset mer in Schueh!
I will mi Bier ha un mi Rueh,
un alles ander?
Miregal!
Erziehungsprobleme
Walter Fröhlich
Josefle
heb au dei Guetsele-Papierle uf.
Sei so guet un hebs uf
sei ä bravs Kind und hebs uf
hei folg de Mamme
hosch etz it ghört
du sollsch de Mamme folge
hebsch etz des Papierle it uf
du sollsch des Papierle ufhebe hon i gset
ja hebsch du etz des Papierle uf
glaubsch i sags no zweimol
wenns etz it ufhebsch, no passiert ebbes
mon glei kriegsch s Fidle voll
hebsch du etz sofort des Papierle uf
ha des wäremer etz go säne
ob du des Papierle ufhebsch oder it
Mach etz, i hon no andere Arbet
mosch i wart no lang
bis du des Papierle ufhebsch
wa glaubsch du eigentlich
du Seicher
du Rotzbue du elende
hosch denn du kone Ohre am Kopf
etz sag is aber zum letschte mol
heb des Papierle uf
hebsch es etz it uf
no lohsch es halt grad bliebe
no heb is halt selber uf
schäm di nu du Lusbue
du Saubue du elende
mit dir moß mer sich jo schäme
wo mer hi kunnt
aber fir heut sind mir zwei fertig mitenand
hau etz ab in Kindergarte
i will di nume säne
wa sind au des heit bloß fir Kinder?
