Wendelinus Wurth: d baim heewe |
Paul Wagner: Drei Brunne |
Erna
Jansen: Enander Freund sii
d baim heewe
Wendelinus Wurth
d baim heewe
mit de äscht
un wurzle
de himmel
un d erde
fescht zamme
weh wenn si
mol luck len
un d mensche
de bode
unter de fieß
un s dach
iwer em kopf
veliere
Drei Brunne
Paul
Wagner
An unsem
Lebensweg do stöhn drei Brunne,
wänn do drus trinke tuesch, no gosch nit fehl.
Es isch ne Stärki drinn, as wie ne Sunne,
und die erfüllt dr Liib und Seel.
Der Erschti
spendet guete Muet und Frohsii
und alles, was dr Freud am Läbe schafft.
Der Zweit’ schenkt d’Liebi dir, die großi
und er verströmt ne gheimi, stilli Chraft.
Und wenn de
meinsch, ‘s chönnt ein dervo versiege,
trink halt vom dritte, “Glaube” isch sy Quell;
dä ewig Brunne mueß dr fescht am Herze liege,
no sprudle au die andere wieder früsch und hell.
Enander Freund sii
Erna
Jansen
En Freund muesch
ha,
suscht bisch arm dra!
E liebi Frau, en liebe Ma,
en nette Nochber nebedra,
de einem au mol beistoh cha.
En Freund de di
glückli macht,
de mit dir als mol herzli lacht,
ein de mit dur Dick un Dünn goht,
wenn er di au grad it vestoht.
En Freund dem
mer vetraue cha,
duesch de öbis uff em Herz ha.
Ein de tröschtet zue d rechte Zit,
ein de dir Geborgeheit git.
Daß e Freundschaft guet duet hebe,
mueß mer si recht subtil pflege.
D muesch e Freunschaft in dr inne,
wie en zarte Fade spinne!
