Otto Meyer: Allewil Seller? |
Karl Berner: Gespenster |
Walter Fröhlich:
Morgekonzert | Myrta Stieber:
Beim Finanzamt
Allewil Seller ?
Otto
Meyer
Was alli Tag eso
passiart,
wenn ebber ebbis Liabs v’rliart,
s isch mänkmol arg - doch sei ganz offe:
s het gottseidank dr Ander troffe!
Gfohre lüre
hächledick,
goht alles glatt, no hesch viel Glick -
merksch erscht wia trürig aß es isch,
wenn dr uf dr Nase lisch!
Nit allewil trifft’s halt nur Seller;
mänkmol goht’s lang, viemol aü schneller -
denk efters dra un schick di dri:
wia schnell kannsch “Seller” selber si!
Gespenster
Karl
Berner
‘S isch lang
scho Nacht, und ‘s falle großi Flocke,
Un in der warme Burestube hocke
Am Spinnrad e paar Maidli, un der Ätti
Lyt uf der Chunst; es freut en, aß so netti,
So dundersnetti Maidli bynem sin.
Dus pfyft der Wind; doch in der Stube din,
Do sitzt me guet, un d’ Maidli schwätze, lache,
Derwyl im Chachelofe d’ Schyter chrache.
Un ‘s Vreneli stoht uf - ‘s isch ‘s Nochbers Chind -
Un sait zuem Ätti: Loset, wie der Wind
Dur alli Chlimse pfyft; jetz möcht i gern
Die Gspenstergschichte höre, wo der fern
Am gliiche Obe uns versproche hent. -
Mynetwege, sait der Ätti, wenn der went,
So gib i gern zuem beste, was i weiß,
Doch sag i numme, ‘s wird ich chalt un heiß;
Vergelstre möcht i nit so netti Maidli,
Drum, wenn’s ich z’arg wird, saget mer’s doch waidli.
Un er fangt a. I
weiß nit öb er lüegt,
Doch d’Maili hen e rechti Gänshut kriegt,
Es het si gschuuderet, si sin zämmezuckt
Un hen si enger anenander druckt.
Un numme ‘s Chünggi förcht si nit un lacht -
E Maidli isch es, nei, es isch e Pracht! -
Uf eimols sait’s: I will ich öbbis sage,
I glaub, die Gspenster ligen ich im Mage;
Mir hen si myner Lebtig no nüt to,
Drum mueß me si au nit vergelstre lo!
Und ‘s Kätti sait: Joweger, sell isch wohr,
Du nimmsch’s mit jedem uf, do het’s kei Gfohr.
So, meineter? sait’s Chünggi jetz un lacht,
So loset denn: Am letzte Zystig z’nacht,
Do böbberlet’s ganz liisli an mym Fenster;
Der Fridli isch es gsi un keini Gspenster.
Der Fridli isch my Schatz, der wüsset’s jo,
Drum het er mi au glii bym Flänke gno,
Ei Schmützli het er mer ums ander gee,
I ha mer’s gfalle lo, ‘s duet jo nit weh!
Z’letzt het er aber öbbis anders welle,
Und sell - sait’s Chünggi - chan i nit verzelle;
Doch denk i gwiß no myner Lebtig dra,
Jo, selli Nacht, do han i Ängste gha.
Morgekonzert
Walter Fröhlich
Wenn i morgens,
noch em ufschtoh, no’it wach sei ka,
ni isch all no s Bescht, i mach s Radio a.
Wenn aber denn
on, so ganz ohne gfroget,
vume Flügel begleitet, sei Schello scho blooget,
wenn de ei uf de
Taschte durch d Romantik fäget
un de ander uf sim Kischtle en Schubert versäget,
und si schpiered
d Romantik scho ganz intensiv,
mi macht des am Morge scho leicht depressiv.
I hör gern
Schubert, do druff kann i schwöre,
aber kurz noch em ufschtoh, do mag’in it höre.
Alls zu sinere
Zeit und alls a sim Platz,
am Morge do brauch i en aschtändige Jazz.
Der schtellt mi
uf und fahrt mer i d Glieder,
do kommed die Lebensgeischter glei wieder,
drum ka die Eisicht wohl niemerd beschtreite:
“S passt halt it alles zu allene Zeite!”
Beim Finanzamt
Myrta
Stieber
Für de Xafer isch’s e Bueß,
weil er uff’s Finanzamt mueß.
Diä Kaiwe kenne’s net verwarde,
diän me mahne uff älle Arde.
“Guede Dag - mir gschriewe henner,
un do bin e jetz - wa wenner?”
“Ja lieber Herr, sooft wir mahnen,
Sie sollten endlich Steuern zahlen!”
De Xafer do druff glii sich meld:
“Ich kaa net zahle - hon koa Geld!”
“Dann müssen Sie halt was verkaufe -
Äckerle, e Wies, des gibt en Haufe!”
“Jo, gäll - un noo no d’Katz vordusse,
un am End no selwer muuse,
des däte Ihr jo glatt verlange,
jo - sage mol - wo simmer fange!!
Wenn’s bei Eich klemmt,” so hert mer’n fauche
kenne Ihr jo eier Finanzamt verkaufe!”
