Thomas Burth: Gang mit |
Christa Heimann-Buß: Sunnetanz | Karl
Kurrus: S Kriagli kunnt | Helmut
Heizmann: Min beschder Freind
Gang mit
Thomas
Burth
Wenns di freit
wani sag,
denn frei di und lach,
wenns di fuxt
wani sag,
denn kumm un schimpf,
wenns di
verschreckt wani sag,
denn beruhig di und denk,
wenns di trurig
macht wani sag,
denn blär und la di tröschte.
Sei du ganz du,
egal wani sag,
nu gang e Stuck mit uf de Reis
vu mine Gedanke.
Sunnetanz
Christa
Heimann-Buß
Siidig - liichte
Schmetterling
tanz mit mir dur d’Sunne!
Bi jo au e luschtig Ding,
ha viil Liebi gwunne.
Füehl mi frei un
füehl mi froh
in miim Menschelebe.
Mög kei Unglück an mi cho
un an di kei Rege!
Siidig - liichte
Schmetterling
mir zweu sin verbunde.
D’Freud am Lebe isch de Ring
un die warme Stunde.
S Kriagli kunnt
Karl
Kurrus
Wirtshüsschild!
-
S Gilt!
Gang ni! Sitz!
Was git s?
Wikarte.
Bstelle, warte.
Durst isch gsund. -
S Kriagli kunnt!
Schenk i!
Trink Wi!
Allei? S zweit?
Gsundheit!
Hm, s schmeckt guat,
wärmt s Bluat!
Nomol: Wikarte,
bstelle, warte.
Durst isch gsund.
S Kriagli kunnt! -
Durst macht Freid;
Gsundheit!
Mi beschder Freind
Helmut
Heizmann
I han ä Hund,
der basst mer uff,
er schützt mer’s Huus un’s Läbe.
Do kann i mi verlosse druff;
do lieg i nie denäbe.
Wenn i heimkumm,
sieh i ‘s glich,
des isch ehrlich un nit g’loge;
wenn’s Schwänzli waggelt fraid er sich -
mi Hundli isch mer ehrlich g’woge.
Wenn er mi sieht - ‘s isch ehrlich g’said
‘s Schenschd un ‘s Ehrlichschd uf de Welt -,
wie der Hund sich dribber fraid.
Des kannsch nit kaufe für viel Geld.
