Werner Fischer: S Johr |
Manfred Marquardt: Guete Rot |
Rolf Süss: Zuem neue Johr |
Gerhard Jung: Wenn Fride witt
S Johr
Werner Fischer
Trink au Ma
S Johr fangt a
Schloof e Rung
s Johr isch jung
Bisch mer bang
s Johr isch lang
s blieit am Rai
s Johr isch chlai
Numme Muet
S Johr isch guet
d staubig Strooß
s Johr isch grooß
d Täsche leer
s Johr isch schwer
Nimm der Schurz
s Johr isch churz
d Biire fallt
s Johr isch alt
Richt mer s Fass
s Johr isch nass
s chracht im Wald
s Johr isch chalt
Jetz chaasch brumme
S Johr isch umme.
Guete Rot
Manfred Marquardt
Was de singsch un saisch,
muesch dehinter stoh.
Wenn de d' Wohret weisch,
loß sie fürecho.
Herz un Wort ei Guß,
aliwil mitenand,
as wie Pfliil un Schuß,
suscht hesch Schimpf un Schand.
Zuem neue Johr
Rolf Süss
Us Täg un Monet gits e Johr,
us Johr e Lebenszit.
Weisch wirkli denn an jedem Tag
Au allwil, wa de witt?
Jetz kunnt e Johr, s hät mängi Täg,
jo nutz si un denk dra:
Wie lueg i no me Johr emend
Des, was i tue ha, a?
Se gib is, Kind, zuem neie Johr
Un zue de Wiehnächtsziet
Di Maß für alles, was mer tien,
uf unsri Weg au mit.
Wenn Fride witt
Gerhard Jung
Wenn Fride witt,
bruuchsch frohi Lüt!
Di giftige,
di zornige,
di suure,
un di hornige,
wo s Millione dävo git,
die schaffe s alli zsämme nit.
Wenn Fride witt,
bruuchsch frohi Lüt!
