Inge Tenz: Chinderauge |
Dieter Brüstle: Kachelofe |
Anton Weißer: S hungrig Vögili |
Martha Schmidle: Guäti Vorsätz
Chinderauge
Inge Tenz (Markgräflerland)
bisch truurig, wil dii Zit verrinnt
gang, lueg in d Auge vo me Chind
dört strahlts di a so klar un hell
vergesse hesch dii Chummer schnell
wil Zueversicht sich übertrait
wenn s Augepaar „i freu mi“ sait
in d Auge vo me Chind cha de
wo tief sich buckt, am beste seh
Kachelofe
Dieter Brüstle (Villingen)
S’isch e rächt Sudelwetter un saukalt,
d’Fieß sin mied – han jetz gnueg vum Wald,
will hom i d’Stube a de Ofe hocke.
Der wartet scho un brumlet vor sich na,
wil ers gar nit lide mag,
wenn nämed do isch, den er gwärme ka.
En warme Ofe ohni Lit
isch wi e Uhre ohni Zit!
Blaue Kachle hät er un i de Mitt e Fenschter,
Stängle oberum zum Wesch uffhenke
un e Kuscht zum Hocke un zum Denke.
I schieb im no e Riswelle ni,
heb im min nasse Buckel na
un vergrab mi in mi selber.
Wan i sinnier, goht nämed nint a –
nu de Ofe loset, un wan er hört, des bhelt er.
S hungrig Vögili
Anton Weißer (Schwarzwald)
Es scharret e Vögili
Im tief g’frorene Schnee,
S’tuat schients dem Tierli
De Hunger arg weh.
Drum guggets erbärmli
Ans Fensterg’sims nuf,
Ob nit e klei Brösili
Zum fresse liegt druf.
Es denkt binem selber:
Kaa’s wirkli au si,
Daß d’ Mensche sehe
Mi Elend nit i.
Zum Dank tät es singe,
Wenn d’r Früehling ikehrt,
E Liedli gar herzig,
Wie’s de Schöpfer ihm glehrt.
Guäti Vorsätz
Martha Schmidle (Tuniberg/Kaiserstuhl)
Am Afang vum näje Johr
nimmt mer sich immer viil zviil vor.
Will eifach alles anderscht lenke
nit immer nur an d Sorge denke.
Ne Vorbild sii in manche Sache
un halt au weniger Fehler mache.
Me mecht jetz besser d Freizit nutze
un nimmi soviil Geld verbutze.
Kurzum: verzichte un meh spare,
statt Auto nur noch Fahrrad fahre.
Ganz selte emol eini rauche,
au stiller werre, nimmi fauche.
Mit em Großvatter halt meh rede,
nit nur scharf sii uf d Monete.
Noch ebis schaffe am Fiirobe,
weniger nergle un meh lobe.
Vorsätz hän viili, so wirds wohl sii,
doch bi de meischte blibts do debii.
