Rosemarie Banholzer: Früejohrserwache
| Johann Peter
Hebel: Sonntagsfrühe |
Paul Nunnenmacher: Bodeständig |
Georg Kleis: Dr Gluscht
Früejohrserwache
Rosemarie Banholzer
Wenn d’Amsle
singet
un d’Mäusle springet,
wenn d’Maiglöckle blüehet
un d’Lieb-Funke sprüehet,
denn ischer kumme,
de Früehling mit Sunne.
Wenn d’Stare
flieget
un Junge krieget,
wenn s’Bisi schnurret
un s’Däuble gurret,
denn ka mes veschtoh :
de Früehling isch do.
Wenn d’Bienli
summet,
un d’Husfraue rummet,
wenn d’Knöpsle platzet,
un d’Ameisle kraxlet
mit Steckle un Sache,
denn isch Früehjohrserwache.
Wenn d’ Schwalbe bauet
s’Neschtle, un trauet
dem, wo s’Hüsle ghört,
daß er’s bestimmt it stört,
denn wosches genau:
De Summer kunnt au!
Sonntagsfrühe
Johann
Peter Hebel
Der Samstig het
zuem Sunntig gseit:
“Jetz hani alli schlofe gleit;
sie sin vom Schaffe her und hi
gar sölli müed und schlöfrig gsi,
und ’s gohtmer schier gar selber so,
i cha fast uf ke Bei me stoh.”
So seit er, und
wo’s Zwölfi schlacht,
se sinkt er aben in d’ Mitternacht.
Der Sunntig seit: “Jetz isch's an mir!”
Gar still und heimli bschließt er d' Tür.
Er düselet hinter de Sterne no,
und cha schier gar nit obsi cho.
Doch endli ribt
er d’ Augen us,
er chunnt der Sunn an Tür und Hus;
sie schloft im stille Chämmerli;
er pöpperlet am Lädemli;
er rüeft der Sunne: “D' Zit isch do!”
Sie seit: “I chumm enanderno.”
Und lisli uf de
Zeche goht,
und heiter uf de Berge stoht
der Sunntig, und ’s schloft alles no;
es sieht und hört en niemes goh;
er chunnt ins Dorf mit stillem Tritt,
und winkt im Guhl: “Verrot mi nit!”
Und wemmen endli
au verwacht,
und gschlofe het die ganzi Nacht,
se stoht er do im Sunneschi,
und luegt eim zu de Fenstren i
mit sinen Auge mild und guet,
und mittem Meien uffem Huet.
Drum meint er’s
treu, und was i sag,
es freut en, wemme schlofe mag,
und meint, es seig no dunkel Nacht,
wenn d' Sunn am heitre Himmel lacht.
Drum isch er au so lisli cho,
drum stoht er au so liebli do.
Wie glitzeret uf
Gras und Laub
vom Morgetau der Silberstaub!
Wie weiht e frische Maieluft,
voll Chriesibluest und Schlecheduft!
Und d'Immli sammle flink und frisch,
sie wüsse nit, aß ’s Sunntig isch.
Wie pranget nit
im Garteland
der Chriesibaum im Maiegwand,
Gelveieli und Tulipa,
und Sterneblueme nebe dra,
und gfüllti Zinkli blau und wiiß,
me meint, me lueg ins Paradies!
Und ’s isch so
still und heimli do,
men isch so rüeihig und so froh!
Me hört im Dorf kei “Hüst” und “Hott”;
e “Guete Tag”, und “Dank der Gott”,
und “’s git gottlob e schöne Tag”,
isch alles, was me höre mag.
Und ’s Vögeli
seit: “Frili jo!
Potz tausig, jo, do isch er scho!
Er dringt jo in sim Himmelsglast
dur Bluest und Laub in Hurst und Nast!”
Und ’s Distelzwigli vorne dra
het ’s Sunntigröckli au scho a.
Sie lüte weger ’s Zeiche scho,
der Pfarer, schint's, well zitli cho.
Gang, brechmer eis Aurikli ab,
verwüschet mer der Staub nit drab,
und Chüngeli, leg di weidli a,
de muesch derno ne Meie ha!
Bodeständig
Paul Nunnenmacher
E Päärli, e
jungs,
si könne ‘s kuum verwarte,
stoht vor me Hotel
un studiert d’ Speisekarte.
Dunderwetter
git’s do Sache,
aber bi däne Pries –
do vergoht aim ’s Lache!
Un uusgrechnet hit
het er si zum Esse iglade,
nach Friburg in ’d Stadt –
in so ne vornehme Lade!
Weisch was,
meint er,
un schiilt debi uf die Karte –
do drin mien m’r sicher
e Ewigkeit warte,
so ne Hotel isch nit für unserein!
No git e re e Schmutz,
un nomol ain,
un goht eng umschlunge
mit sienem Schatz,
go e Brotwurscht esse
uf de Münschterplatz!
Dr Gluscht
Georg
Kleis
Uffem Griäßbaum,
in dr Sunn
hänke Griäse rot unn bruun;
o, diä lache mi grad an!
Könnt ich
fliäje, wiä ä Schbatz
oder glädre, wiä ä Katz,
ässe dät i, bis i blatz!
Wiil des awer
nit kann sin,
blii i unde, wu i bin,
schlaa mer d’Griäse ussem Sinn.
Wänn mich Äigle
lache an,
muäß i hald au dänke dran,
daß i nit kann alles han.
Doch verliär i
nit dr Muät,
dänn es isch ädäimol guät,
wänn mer druff verzichde duät.
