August Vogel: D’
Frau Hadwig uf de Reichenau |
Relinda Schmidt: D hütigi Jugend |
Herbert Burckhardt: S Schnapsbüdili
| Georg Kleis: S Nasetröpfli
D’ Frau Hadwig
uf de Reichenau
August Vogel (Hegau/Bodensee)
Frau Hadwig isch mol d’ Stubet gange
Ins Chloster uf de Reichenau.
Die Pater sind vor d’ Düre g’sprunge
Und hänt si grüeßt, die fürschli Frau.
Druf hät s’ in d’ Schuel sich führe losse,
Sie will die Chlosterbüebli säh;
Und wie sie isch an d’ Düre chumme,
Do springet alli scho in d’ Höh.
De ei verzellt’s ladei und griechisch,
Was in de große Welt isch g’scheh.
Frau Hadwig hät ganz g’müetli gloset
Und druf denn g’sait: - „Hei des isch schö.“
Die Büebli hent bloß schelmisch g’lachet
Und wie sie isch in d’ Stube cho,
Sind s’ us de Bänke usegraset,
Hänt d’ Herzogi in d’ Middi gno.
Frau Hadwig isch nit schö verschrocke,
Wie d’ Büebli hänt die Bänk verstellt.
Sie mueß für d’ Freiheit ebbs verspreche,
Hänt ihr die kleine Strick verzellt.
Do nimmt sie vu de Chlosterbüebli
De vorderst here mit Entschluß
Und sait: “Eu will i g’fange nemme,
Zur Strof kriegt jetz de Chlei en Kuß!“
Doch der hät weidli, ordli g’strampelt.
Des git’s bi üs im Chloster nit.
Des hät de liebi Gott verbote
Für bravi, frommi Chlosterlüt.
Frau Hadwig lacht und lot en fahre;
Und hät ’s Verspreche schließli gä.
Chum hät se ne de Fisch versproche,
So hät sie frei sich wieder g’seh.
Drum hät sie fründli ade g’numme
Vu ihre schlaue Chlosterchind.
Die hänt fei g’lacht, - de Fisch wird schmecke;
Des isch im Chloster au kei Sünd!
Die hütigi Jugend
Relinda
Schmidt
(Markgräflerland)
D Jugend isch
hüt ze Dag
gar it so schlächt.
Si pocht halt eifach meh
uf ihr Rächt.
Natürlich gits Uuswügs,
die mue mr bekchämpfe.
Me darf nur it alli gliich
abschtämpfle.
Si sin mänkmol so lässig azoge;
au gfallt eus it immer die Hormode.
S isch Üsseres, wa sells.
Wa drunter isch, da zällt.
Sind großzügig,
dänkchet dra:
Mugge hän mir alli gha.
S Schnapsbüdili
Herbert Burkhardt (Breisgau/Kaiserstuhl)
I sodd emol e Schliggli nämme
üs sellem kleine Büdili!
In minem Hälsli düets hit brenne
- s wird emend doch nit de Kirksler sii?
I sodd emol e Schliggli schlugge
üs sellem kleine Büdili!
In minem Bychli düets hit drugge
- s wird emend doch nit de Reckser sii?
I sodd emol e Schliggli süffe
üs sellem kleine Büdili!
In minem Kepfli düets hit brüse
- s wird doch nit sunscht e Bräschde sii?
Mi Büdili, des isch so nett,
drin isch e ganz güets Trepfli,
oh, wenn i nur noch so e Liide hätt!
- Awwr i ha halt blos ei Hälsli, Bychli, Kepfli!
S’ Nasetröpfli
Georg Kleis (Ortenau)
Ä Tröpfli hänkt am Zinke
unn glitzert in dr Sunn,
o lätz, des wurd jo länger
unn bamblt rum unn num.
Där, wu der Zinke ghört,
het s Nasduäch nit im Sack
unn wiil’s ne jetz doch schdört,
schdupft mitem Ärml weg.
Wär siini Zung doch länger,
no hätt’er ke Problem,
no könnt er s Nasewasser
im Muul verschwinde len!
