Edgar Beiermann: Vill, vill Müll |
Ingeborg Schütze: Hilf |
Arno Müller: D Garteschau Gottes |
Lucie Hirt: Kids
Vill, vill Müll
Edgar
Beiermann
(aus: Mundart-Wettbewerb 2004 von BZ/SWR/MSG)
S isch öbbis
Gruusigs mit em Müll,
vu alle Sorte giit es z’ vill.
Zwar holt me jedi Woch de Dreck
in Kübel, Tonne und in Säck,
und trotzdem nimmt er zue – s isch komisch
und d Köschte stieget astronomisch
Obscho!Die Rechnung, die isch gar it schö,
wenn d spare witt, no koschts no meh.
Dezue muesch hüt
de Müll no trenne,
denn s meischt devu kasch it verbrenne.
Me mueß sortiere Glas und Schrott,
und Abfall, wo vermodre sott.
So stöhn vier Kübel – Eck an Eck,
und alli stinket gliich noch Dreck.
Obscho!Vill schlimmer isch de Autog’stank,
desell giit Krebs – desell macht krank!
Au s Plastikzüg
wird hüt sortiert,
de Abstellraum mit Säck möbliert.
Denn denk – ma kcha us dene Sache,
die neu’ste Joghurtbecher mache.
Do kchasch drus esse – kcheiner stinkt:
E dreifach Hoch de grüene Pünkt!
Obscho! Zu grüene Pünkt giet’s gäeli Säck,
wer farbeblind isch – hät de Dreck.
Au s Glas muesch
hüt-ze-tag no trenne,
debii fascht alli Farbe kchenne.
Doch bim Contäner sind zum Glück,
dieselle naag’molt – breit un dick.
No kläpprets zwar bin Innig’heie,
doch sunscht häsch kcheini Scherereie.
Obscho!De Abhol-kcharre – han i g’hört,
hät alles wieder zämmegleert.
Jetz kumm i
z’letscht no zum Papier.
Des wird verpackt mit dicke Schnür.
Denn s Sammle vo Papier in Kübel
Des gäb e Sauerei – it übel!
De Sportverein tät s meischt verliere,
kchönnt nie kchei Grillfescht finanziere.
Obscho!Die hän jo Biiträgs-Geld - en Huufe
die tätet s Bier au trotzdem suufe.
Doch sunscht isch Müll halt e Problem
vu A bis Zett nu uu’ag’nehm.
Du müeßt me fascht – nu zum Sortiere
en Wissenschaftler engagiere.
Ein, wo bim Landrat sich beschwert,
dert uf de Tisch haut – und sich wehrt.
Obscho!En Hauderi, wo ohni Köschte,
de Müll entsorgt, der wär am beschte.
Hilf
Ingeborg
Schütze
(aus: Mundart-Wettbewerb 2004 von BZ/SWR/MSG)
Stoht mänke am
Rand
de Huet in dr Hand.
Legsch öbbis drii –
gohsch schnell verbii?
Verdamm nit glii!
Es cha mol sii,
ass du un i,
so sin wie die –
sag jo nie – nie!
D Garteschau Gottes
Arno
Müller
(aus: Mundart-Wettbewerb 2004 von BZ/SWR/MSG)
Lueg emol um
dich wies überall blieht
un wie d Natur sich für dich so bemieht.
Lueg nit d’rnäbe sunscht freisch di nit dra.
Muesch halt im Läbe s rächt Aug drfür ha.
Lueg bi dr Hecke
die Blueme am Rain.
Fein dien si schmecke jetz weisch was i mein.
Bisch emol ehrlig isch des nit ä Kunscht?
Des macht dir jährlig d Natur umesunscht.
Lueg sälli Garte
entlang an dr Stroß.
Vielerlei Arte im Gras un im Moos.
So wie sie farblich verschiede därt stehn
machts eu -des weiß ich- kei Gärtner so schen.
Lueg bi dr
Steiwand därt mach emol Halt.
S wachst ufem Flugsand im winzigschte Spalt.
Lueg nur wie munter des Pflänzli dich sieht.
Ischs nit ä Wunder wu immer noch gschieht.
Lueg sälli Rose
am Rand därt vum Wald
Un uf de Stroße triebts üsem Asphalt.
S blüeht üs dr Fuege je meh dü erkennsch
wirsch dü vum Luege ä glücklige Mensch.
Jetz hesch erfahre wie ich des empfind.
Due dirs bewahre schlags nit in dr Wind.
Gang an däm Schöpfungsbau staunend vorbei.
Des isch „Die“ Garteschau -
dr Idritt isch frei.
Kids
Lucie
Hirth
(aus: Mundart-Wettbewerb 2004 von BZ/SWR/MSG)
Wenns um kleini
Kinder goht,
liest mer immer „Kids“.
Will s halt in de Zittig stoht,
denkt mer witerscht nix.
Selli, wo in d
Zittig schriebe
gehn mit fremde Wörter um,
doch si ließe s lieber bliebe,
denn im Leser wird s bal z dumm.
Wisse s denn die
Schrieber nit,
kleini Geißli sin doch Kids!
Alles wird für
Kids abotte:
Hemder, Hose, Schuh,
alles noch de neuste Mode,
Spielzig noch dezue.
Stelle euch des
emol vor:
Kids mit Bart un Zottelhoor,
oder Gitzi imme Röckli,
un e Kitteli für s Böckli.
Geißli mit em
Puppiwage,
s Puppeli tät “Mamä” sage,
wemmers uf si Ränzli druckt.
Finde ihr des nit verruckt?
Kinder, sage
doch jetz gli,
wenn ihr jungi Geißli si?
S isch euch doch nit einerlei,
stelle euch uf d Hinterbei
un verlange ab sofort
für „Kids“ jetz wieder s richtig Wort!
