Johann Tscherter: Am Baggersee |
Hermann Brenner: De Mistkäfer |
Marlies Engler: Verreise |
Friedrich Oesterle: Schmiddifiir
Am Baggersee
Johann
Tscherter
(aus: Mundart-Wettbewerb 2004 von BZ/SWR/MSG)
S isch zmitts im
Augscht, e heiße Dag,
do lysch uf Sand un grobem Chis,
e runde Waggis undrem Gnick –
ischs näume schöner, sag!
E Bärli
Wassernodle macht
als Dobbeldecker Hochzyttsflug,
un über dir e Filigran –
us dausig Wiedebletter gmacht.
Hoggsch uf un
luegsch das Wasser aa,
es schbieglet sich e Wulge druff –
un fiini Gufeschbitzli dinn
siht numme, wär guet luege chaa.
Es schmeckt noch Schlamm am Ufer do,
un d Wälle pflädderle so liis:
Wenn doch nur ewig Summer wär –
chönnsch ewig an dä Weier goh . . .
De Mistkäfer
Hermann
Brenner
(aus: Mundart-Wettbewerb 2004 von BZ/SWR/MSG)
E Büebli isch,
mit sire Mamme,
uf de Berg, in d’ Beeri gange.
Sie dappe, un endli, noch 1 ½ Stunde,
hen sie die erste Beerehürst gfunde.
Un während so d Muetter im Gschtrüpp umestampft,
het des Büebli eisern Brombeere gmampft.
Do plötzli, rieft er uffe an Rai,
du Muetter, gits au Brombeere mit Bei?
„Brombeere mit Bei“, i glaub du bisch bsesse;
denoh han i grad en Mistkäfer gfresse.
Verreise
Marlies
Engler
(aus: Mundart-Wettbewerb 2004 von BZ/SWR/MSG)
De Jörgli plant
zuem erschde mol
e witti, großi Reis.
Er freut sich druff un sait ganz schtolz:
„Nai, Heimweh grieg ich keis!
Denn waisch in sellere große Schtadt
dert gits gar vieli Sache –
dert hani gwiß kei langi Zitt
un cha kei trüeb Gsicht mache“.
Jetz isch das
Küfferli scho packt
un morn do gohts denn los.
Un d Mutter sait: „Blieb brav un recht
de bisch jo jetz scho groß!“
Do wird’s im Jörgli eige z Muet,
er schbürt si Herzli chlopfe.
Un Mutter, sait er, druff un druff
un d Auge wenn em tropfe.
Waisch, sait er z’letschd, s isch recht un guet
wemme so witt cha fahre,
mit Omnibus un Iisebahn,
doch bi mer jetz im Klare:
So witt furt will i nimmi glii
au nit für Guet un Geld,
s isch schöner as bi uns deheim
gwiß niene uff der Welt!
Schmiddifiir
Friedrich
Oesterle
(aus: Mundart-Wettbewerb 2004 von BZ/SWR/MSG)
Blauroti Flamme
üs gaelrotem Iise,
riesegroß an rueßiger Wand.
Dr Schtahl brücht ä Namme,
dr Hammer duets wiise,
fiirigheiß in gschundener Hand.
Dalle fir Dalle,
dr Wille duets heische,
am Amboß vum wuchtige Schlag.
Dr Gsang duet vrhalle,
im Iise vrgreische,
dert middle im kummende Dag.
Form mueßes
finde,
ä Gschtalt mueßes schletze,
im Mache vum schaffende Sinn.
S Iise mueß binde
un d Deiler vrnetze,
zletscht mueßes sage: Ich bin.
D Hitz isch vrlore,
im Wasser vrlesche –
d Flamme im Fiir waere klei.
Neys isch wore –
d Schlagge vr-esche –
ebbis Neys un het Hand un het Bei.
