Hedwig Salm, Gringi Sache
|
Mariele Loy, Advent usere andere
Sicht | Otto
Meyer, Mit guatem Wille |
Gerhard Jung,
Heiligi Nacht
Gringi Sache
Hedwig Salm, aus "Wege und Brücken"
Wie me s Glück verlang un düt,
sag nit eifach: "Alles oder nüt!"
S git so gwissi Zwüschewelte,
wo no gringsti Sache gelte.
Hets nit Jede scho erlebt,
wenn er überem Abhang schwebt,
un sich amme Strauhalm hebt?
Was het do der Stolz no z'melde?
Advent us ere andere Sicht
Mariele Loy, aus "Eso isch es"
Adventszit
stilli Zit
heiligi Zit
- oh du liebi Zit -
Kinderfraid
Seligkeit
Besinnlichkeit
- nit mit mir, tuet mr leid -
Fraid schenke
an anderi denke
Spende lenke
- ich tue mi nit verrenke -
Bretli bache
Päckli mache
Tousend Sache
- si isch zumLache -
Lieder singe
Gleckli klinge
Gschenkli bringe
- Hauptsach: d
Kasse klinge -
Am viarte Sunndig im Advent,
wenn s letscht Liacht am Kränzli brennt,
so hell un warm - wia selli Kerze –
sott's jetze si in alle Herze!
Jedes Liachtli will v’rkinde:
alli solle Friede finde!
Mr brücht drzua nur guate Wille,
un mänks wird sich drno erfille.
Jeder sott bi sich afange,
des wär scho gnua, des dät scho lange ...
no hesch aü Dü - wia andri Lit -
e gsegnet-frohi Wihnachtszit!
O Wunder uss de
Fülli!
Uns Menschen in de Stilli
schenkt Gott sy eige Chind.
’s chunnt nit
im
Glanz uf Erde,
ganz liis will ’s Liecht uns werde
uns Mensche ’n arm un blind.
Kei Schloß mit
schöne Säle
duet sich ’s als Wohnig wähle,
e Schoofstall, leer un rauh.
Dört lit 's im enge
Krippli,
als Bettli bloß e Tschüppli
verzettlet Haberstrauh.
D' Nacht stoht im
leere Fenster,
isch voll vu böse Gspenster,
isch voll vu Haß un Spott.
Do lit des Neugebore
an 's Dunkel schier verlore
un isch doch Gott! Isch Gott!
O Wunder uss de
Fülli,
o Demuet in de Stilli,
so schwach un mächtig z'gliich.
D' Welt wird in
ihrer Trüebi
taghell vor lutter Liebi!
Wie machsch is du so riich!
