Fritz Wolfsberger,
Neujahrsgruß | Walter Fröhlich,
Kommunikation | Inge Tenz, De Weg
Neujahrsgruß
Fritz Wolfsberger, Müllheim
Zwölf dumpfi
Schläg vom Turm in d Nacht –
jetz het s alt Johr si Abschied gmacht;
un s hült-em miseel nieme no,
s hätt ring scho früehjer chönne goh;
denn Frost im Mai, e schlechti Aern
un zletzt kei Herbst het nieme gern!
Dur Schnee
un Ys, im wiße Chleid,
chunnt s neui us der Ewigkeit
un luegt is lieb un fründli a,
i glaub, s het scho-n-e Treber gha!
He jo, e Biise bloost vom Rhy.
Frau, schenk-em no-ne Chriesi ii!
Jetz,
Chätterli, e frische Muet!
I wett, das Johr meint s mit-is guet;
mit Hoffnig wä-mer wieder dri
un nümme chram un trurig sy! –
Weck d Chinder un zünd s Bäumli a,
mer wänn-is nomol freue dra!
Kommunikation
Walter Fröhlich, Singen
De Otto
schwätzt selte mit sinere Frau
zu wa soller denn au?
Er mag halt eifach sei Rueh, der Maa,
drum macht er scho morgens der Fernsäher a.
Er findet des prima und mont, des sei schlau,
do schwätzts jo doch all, des langt sinere Frau.
Sie denkt
scho lang, i schwätz nint mit em Maa,
do schtellt sie sich lieber doch s Radio a.
Der hot weder am Obed, ersch recht it am Morge
en Funke Intresse fir alle mine Sorge.
Drum brucht sie en Radio i Kuche un Zimmer,
Hauptsach isch, s schwätzt und s Radio schwätzt
immer.
Die Ehe, des
woß beinah jeder,
macht blede Leit no vill vill bleder.
Drum sotted Menschen, wenn sie freien,
it nu uf Schönheit ine keien.
Denn bisch du bled bemannt, beweibt,
ka’s sei, daß dir nu s Radio bleibt.
De Weg
Inge Tenz, Dreiländereck
Isch des de
Weg durchs Lebe z goh?
De Mitmensch grad links lige lo,
nit lose, wenn er Chummer het,
und denke „Hauptsach ich has nett“.
Isch des de
Weg durchs Lebe z goh?
Im Andere in d Queri stoh,
mit Elleböge Platz sich schaffe,
nüt herge, alles zämme raffe
Do sag i nei und nomol nei,
me lebt doch nit für sich allei,
Partner Mensch und so viilschichtig,
du bisch für mi ganz lebenswichtig.
Mi eigni Chraft führt schnell an Grenze.
Doch ich cha di, du mi, ergänze.
Lebe mrs, no machts is froh.
Des isch de Weg durchs Lebe z goh.
