Esther Strube, Underem
Zuu num gwaided |
Heinz Reiff,
E Fätze Tuech
| Stefan Pflaum, Alemannisch explosiv
Underem Zuu num gwaided
Gedicht fir gläini Emanze
Esther Strube, Furtwangen
Zwo Gaiße waide
braf am Rai,
di ei isch groß, di ander gläi.
Mueder, säid uf zmols di Gläi, waisch i wir grad
bsässe.
Worum miä mir Dag fir Dag di gliiche Schdoorze
frässe?
Des isch so Kind,
sunsch gids bees Blued,
underem Zuu num waide dued kai Gued.
Mueder, gugg derd ene, sälli faisse Hegge
miän aifach besser, wiä iseri Schdoorze schmegge.
I weddig aifach
wisse nuu,
wiäs enedene schmegd fom Zuu.
Mueder, waisch, i wedds numol browiäre,
nuu en munzig gläine Siddeschbrung risgiäre.
Mäidli nai, i sag
ders glii,
es dued en Schlag un du bisch hii.
for fufzig Joor scho häd mers d Mueder gsäid:
Mäidli hald! Fäddi Madde, gifdigi Waid!
Muder, i schliäf, i
bin scho doo.
O gugg doch au, ich läb jo no.
Mueder kumm, s dued gar id wee.
Gugg wiä sin diä Madde schee.
Wiä gria un frisch
sin do diä Hegge.
Kumm Mueder, loß ders au mol schmegge.
Doch d Mueder – sälli draud sich id.
Es kind hald sii ... mer wißds jo id ...
Un d Moral fon dere
Gschiichd:
S wird niä gschäid, wer sich ewig fiichd.
Mer kaan sich Dag fir Dag femoorze,
frißd awl nuu di gliiche Schdoorze.
E
Fätze Tuech
Heinz Reiff, Lörrach
Chunntsch uf d Welt
dr erschti Schrei
blau im Gsicht
un blutti Bei
gwicklet in
e Fätze Tuech
iinegschribe
in e Buech.
So -
jetz darfsch sii!
Trummle göhn
e Hurragschrei
Glanz im Gsicht
Dreck an de Bei
vornedra
e Fätze Tuech
hintedrii
e böse Fluech.
So -
isch es gsi!
Un zuem End
e letschte Schrei
blau im Gsicht
un ab'ni Bei
gwicklet in
e Fätze Tuech
untregschuuflet
Chrüz ins Buech.
So -
des wär's gsi!
Alemannisch explosiv
Stefan Pflaum
Alemannisch singe,
lache,
gigse, driweliere,
alemannisch Späßli mache,
bäffzge, kummediere.
Alemannisch
raisoniiere,
bittle, bettle, hiele,
alemannisch dischbediere,
kample, wimmre, briele.
Alemannisch
trällere, schnäddere,
pfuuse, büschpere, nöle,
alemannisch muule, wettere,
gosche, dewere, gröle.
Alemannisch
stichle, hetze,
plärre, rätsche, bändle,
alemannisch s Messer wetze,
briage, siefzge, händle.
Alemannisch blödle,
kittere,
stackse, gackse, muddle,
alemannisch kluttre, pfittere,
schwätze, kluckere, bruttle.
In d Seel vun de
Sprooch niikrabble,
alemannisch abgrundtief,
megaalemannisch babble,
alemannisch explosiv!
