Thomas Burth: De Mama ihre Fenschterred |
Manfred Marquardt: En alt Gsicht |
Monika Schreiber-Loch:
Chinder-Geburtstag
De Mama ihre Fenschterred
Thomas Burth
(aus: Immer der, wo fròget)
Lónd en au
gòh, den kläne Bue!
Schämeder ei it, ihr große Latschi?
Mònd ihr etz
den kläne Borzer
so lang umeschucke und ploge
bis er bläred?
I kumm glei
usi, wenner it zuelaufet
und laß ei d' Ohre stòh!
Du, di, jò
desell i de rote Kappe
i kenn di schò
Mòn i sags dim Vadder
nò kasch ebbes velebe!
Kum ine,
Albertle, kumm ine
und machs Gartedirrle zue.
Wennd ufe kunnscht
machter Mame e Igmachtsbrot.
Wosch, mit dene böse Buebe kasch it spile.
En
alt Gsicht
Manfred Marquardt
(aus: Nachgelassene Gedichte in Alemannisch)
In alte Gsichtre, do muesch läse,
in Runzle, Rünzeli, wie ime Buech.
Zwüsche de Zilete stoht 's Wäse.
Gang, lehr die Schrift un suech!
Luegsch lang gnueg iine, cha's dr gruuse.
Was goht uf sone Menschehut?
De lisisch bösi Wohret use
un saisch sie niemer lut:
Do lit e Liebi, dod, vergrabe,
dört glumst noh allewiil e Haß.
Wie Schatte sinkt e Hoffnig abe,
das Läbe, Liide n isch kei Gspaß!
Un d' Einsemkeit in tiefe Rünne
isch iinegfresse in däm Gsicht.
Un d' Auge sinn zwee leeri Brünne
un gänn vo nütmeh Bricht.
Meinsch 's chönnt e Wort vo Herze breiche,
aß Troscht um d' Schlöfi heelt
ne bitzli Freud, as letztis Zeiche
un Adjee vo de Welt?
Chinder-Geburtstag
Monika Schreiber-Loch
(aus: Chleini Chinder, großi Lüt)
Ä Chrach im Huus - was d' Lüt wohl denke?
's sin numme fünf, was isch debii?
Sie spiele, lache und si hänke
sich ganz brutal an d' Möbel hi;
si trinke Saft und esse Chueche,
die wilde, chleine, liebe Rueche.
Jetz sin si furt und ich sag froh dehinter:
"Dank, liebe Gott, für soviel gsundi Chinder!"
