Hubert Baum: Play Bach
| Richard Gäng: Regenacht |
Desiré Lutz:
M`r sait mängmol e Wort ...
| August Ganther: Anderi Zidde
Play Bach
Hubert Baum
(aus: Ei Wort git s ander)
Gel jetze
hesch z wetze
un z gumpe
wie d Lumpe
am Stecke
aß d Äcke
so wackle
un chnackle
hesch z trampe
losch s lampe
chasch sätze
aß d Fetze
so fliege
no kriege
die Zahme
un Lahme
mol Takt
wo packt
efange
noo lange
Hüstume
Hottume
oblong
dä Song
isch neu
o hoi
dasch Takt
wo zwackt!
-
Mit Takt!
Regenacht
Richard Gäng
(aus: De Sunntigmorge)
Es isch e fistri Regenacht,
i lig im Bett un bi verwacht,
kchei Sterndli will mr schine.
De Sturm würft Rege an e Wand,
es scharrt en Ast dra wien e Hand,
as weti öber ine.
I sieh, wies dusse d Stude duckcht
un d Obstbaim tief uf d Matte buckcht,
e Wehri ghör i brusche.
Wie wahlet d Wulche tief und noh,
en Kchuntenend schint au de Mo,
un alli Wälder ruschet!
Min früehnre Schatz stoht wider do,
des Hexli isch dur d Mure cho,
es isch mir untreu worde.
Jetz wüehlt de Sturm i Lib und Herz,
druckcht d Baim und d Blueme bodewärts,
es isch e grusig Morde.
Es wahlt dur mi e Wulchemeer.
Wie gäutscht und sprützt mi Seelemeer!
s goht alles druf und drunter.
I wüsch, si möchti wider cho,
dro schinti scho de heiter Mo.
Jo, d Liebi isch e Wunder.
M`r sait mängmol e Wort ...
Desiré Lutz
(aus: Spaß un Ernscht)
M'r sait mängmol e Wort
Im Zorn,nit überlegt,
Schu het sich uf d'r ander
E diefer Schatte glegt.
M'r sait mängmol e Wort.
M'r isch oft rasch debii,
Doch trifft's d'r ander so,
As wär's e Messer gsii.
M'r sait mängmol e Wort,
D'r ander aber goht ...
Un merkt m'r noo, worum,
Isch's leider au schu z'spot.
Anderi Zidde
August Ganther
(aus: Silwerdischtle us em Schwarzwald)
D Zitt vrgoht; s isch nimmi nett.
s Kätterli isch jetz e Kätt.
Wia-ne Krüzspinn luegt sie dri!
Un wia herzig isch s als gsi!
O i ka s gar nit vrgesse,
Ha s als schiar vor Liawi gfresse.
Hätt i s due noch, - Esel, ich!
Hätt i s due! -- Jetz frißt sie mich!
