Erika Buhr: Suserfescht | Ulrike
Ebert: untrem rägedach |
Markus Manfred Jung: aaglängt häsch mi
Suserfescht
Erika Buhr
(aus: Im Zitewind)
Grüeß Gott, grüeß Gott
ihr Fraue, ihr Manne.
Trinket de Suser
us Becher un Channe.
Lueget!
D Summersunne blinzlet drus.
Öpfel un Biire dufte dur s Hus.
Farbigi Blätter leuchte vom Rank.
Heißa, mir fiire hüt Erntedank!
untrem rägedach
Ulrike Ebert-Wirminghaus
(aus: im handcherum)
untrem rägedach
bletterschirm
drunter
am rätsche
hocke si zämme
s goht hoch her
d elschtere schwaudere
grottefalsch
vom pflütterwetter
zum plaisier
s fedrechleid
pfitze
strehle
stichlen un stupfe
in anderi neschter
aaglängt häsch mi
Markus Manfred Jung
(aus: am gääche rank)
aaglängt häsch mi
mit diim
tiefe blick
mi herznarbe brennt
di hand
die striichlet
e drachehutt druf
ach
s lindeblatt aber
bäppt
