Ingeborg Schütz: Abschied vom Tag |
Liesel Meier: Männer |
Fritz Broßmer: Herdepfel
Abschied vom Tag
Ingeborg Schütz
(aus: Holzschittli)
Wenn de Tag sii Abschied git
un alles hinter einem lit -
Tagesmüeh un mänki Sorge,
denk nit an de nächschti Morge.
In dere Stund wo s dämmert duss,
vergiss dii Ärger un Verdruss.
Wenn alli Vögel schwiige,
däno loß d Seele triibe.
Mach di vo alle Sorge frei,
bisch im Älleisii - nit ällei.
Un wenn au alles angst dir miecht,
Für jede schiint emol e Liecht.
In sonre Stund chasch Chräfte tanke.
Nit nume bitte - chasch au danke.
s het jede Mensch mol Grund derzue
un das chasch nume in de Rueh!
Männer
(Us dr Sicht vo nere Sechzigjährige)
Liesel Meier (s Breite-Lieseli)
(aus: Ä Plätzli zuem bliibe)
vo zwänzg bis drissg sins „halbi Buebe“
un ihre Herz kei Mördergruebe!
Si tüen gern fiire, trinke, feste
un überall die Mäidli teste!
Oh, höret uf un tüent nit wehre
mi bruucht keis d Männer chenne lehre! --
Mit vierzg isch s no ne junge Spund
dä het zuem jomere kei Grund!
Er het no Chance, glaubets numme
no unsereim luegt dä nit umme!
Un zieht ein doch im Geist dr Huet
no denkt er: „Oma, gohts der guet?“
Ne Fuffzger isch, - s isch allerhand
mit graue Hoor dno „interessant“.
(Wer denkt echt nit an höcheri Gwalt?
Uns Fraue mache selli „alt“!)
Doch Männer sin, das isch gwiß wohr
mit Fuffzig in de beste Johr!
D „Sechzger isch kei grüene Zwuckel
het meistens scho ne chrumme Buckel.
doch ich bi zfriide no mit mim,
ne andere? Sell wär gliich schlimm,
Dem sini Nuppe chenn i scho
s chunt selte öbbis bessers noh!
Herdepfel
Fritz Broßmer
(aus: Gedichte und Erzählungen in Mundart)
Herdepfel - bisch e koschtbars Ding,
un keiner achtet dich meh g’ring
als wiä in früehjere Zitte,
duesch fürnehm jetz uff jedem Disch
dr Brote, Uffschnitt, Schunke, Fisch,
vielmol noch s Brot beditte!
Du, unser Helfer in dr Not,
bisch jetz so rar wie s Zuckerbrot,
mr mueß dich bhuetsam zelle;
mr frait sich do ab jedem Schtück,
macht d Schelzige welleweg nit so dick:
verderwe kein, ihr Gselle!
Was für e Fraid, wenn d Zittung bringt:
Hitt gitt s Herdepfel! - Alles schpringt
mit Korb un Sack un Karre;
un mueß mr au emol Schlange schteh -
in dem Fall duet s eim nit so weh,
mr frait sich grad wiä d Narre!
Ob Schnitz, ob Brägel, ob Salat,
kei einzigs Bröckili geh z schad,
au ohni Wurscht un Rippli.
Wie dunkt s ältscht Müetterli doch guet,
wenn sie sich sunscht nix gunne duet
als noch sone Herdepfelsüppli!
Mir bette: O du liewer Gott,
wenn s nur für alli lange wott
jetz mit dem Herdepfelsege!
Gäll awer, s nächscht Johr, wenn s-es duet,
no sei uns gnädiger, sei so guet,
un schick bizitte Rege!
