Otto
Raupp: Herbst | Paul Sättele: Alles
Lebe | Hedwig Salm: Iisrege |
Paul Nunnenmacher: Novembermorge
Herbst
Otto Raupp, Wiesental
Was macht der Herbst? -
Mer henn en dinn!
's rumort scho in de Fasse
Das git e Tröpfli! Das het Sinn
un loßt nit mit em gspasse.
Natürlig hangt no dört un do
im Rebberg duß e Trübli;
se mueß me's halt go etzne go
un heim tue in sii Stübli.
Für jedes Hänggerli wär's schad,
wo nit au chunnt ins Gläsli,
's chlei Maideli stoht scho parat,
holt's in siim Chinderschäsli.
Für d' Amsle, wo im schwarze Frack
so umenanderschwanze
un ander sonig Lumpepack
tüen mir nit Rebe pflanze.
Der Wii macht Arbet,
wie-n i's bschau,
vom Schniide bis zuem Trotte;
drum mein i, daß mir Buure-n au
's Best - selber trinke sotte!
Alles Lebe
Paul Sättele
(aus: Markgräfler Trüübel)
Alles Lebe n isch Woge n un Wale,
Wuehlen un Nuele, Stiige n un Falle,
Alles Lebe het Wese vum Rhii.
Wasser un Welle, Wiege un Biege,
Obsi un nidsi, Draihe n un Ziege:
Hirni un Herze trümmle so hi.
Alles Lebe wie s Wasser mueß wandre,
Welle uf Welle verruuscht zue de n andre,
Weiß mer wohar un weiß mer wohi?
Numme ne Streife Schuum am Gstade
Glänzt no ne Rung wie ne Silberfade,
Platzt un vergoht wie d Chralle vum Wii.
Alles Lebe chunnt vu der Höchi,
Alles Lebe verruuscht in der Nöchi,
Stigt in der Ferni wieder zum Liecht,
Wasser isch alles, Tropfe n an Tropfe,
Bruuschig tuet druus der Pulsschlag chlopfe:
E Schöpfergsang un e Weltegricht.
Iisrege
Hedwig Salm
Was macht der Winter denn für Zicke,
was chnoblet er no alles uus?
Ne ganze Mischmasch tuet er schicke
vo Iis un Rege, s isch e Gruus.
S würd glatt un rutschig in de Gasse,
wenn de nit achtig gisch, brichsch ii
un stohsch mit beede Schueh im Nasse -
Es chönnt e bessere Dargis sii
Me sicht schier keini Wäge fahre,
wil sie sich nit uf d Stroße traue -
Das hätt der Winter chönne spare,
me sott em noh der Frack verhaue!
Novembermorge
Paul Nunnenmacher
Wie Silber glänzt am kalte Morge,
de Riffe wundergliich im Gras,
im Näbel ligt de Dag verborge,
d' Hurst hänn Perle wie us Glas.
Isch's nit eso - als sei der Doot
mit sinere wisse Geisterhand
im früehe, kalte Morgerot
wenn alles schlooft - scho über Land?
