Gerhard Jung: Uf de Loipe |
Irmtraud Weber: Alemannisch nit ganz eifach |
Mario Fitterer: D Umgebig isch
unzergengt
Uf de Loipe
bei Frohnschwand
Gerhard Jung
Im Rhiital usse raucht e
Nebelmeer
un drüber isch im wite Zackeboge
blaudunkel d Alpechette durezoge,
wie wenn s e fremdis, fernis Ufer wär.
Un nüt as Schnee un Sunne um mi
her
un Wald un Wind. Un wott i mi do froge,
wo s schöner isch, no müeßt mi d Antwort ploge;
do eini z finde, sell wär chaibeschwer.
Wer wott au s Schöni gege s
Schöni wäge
an so me wunderbare Wintertag,
wo s Schöni warte tuet an alle Wege?
Do juchzget der s us Himmel,
Hurst un Haag.
Un de wo s gnießt stoht hundertfach im Sege.
Wil unsre Herrgott frohi Gnießer mag.
Alemannisch - nit ganz eifach
Irmtraud Weber
In unserer
Sproch isch es eso:
"Au" wird ze "U" und "Ei" ze "I",
nur chasch di nit ganz druf verloh.
Statt
"Tauben" gurre bi uns d "Tube",
nüt wird "geschraubt", nei, mir dien "schrube",
im Glas funklet de "Wi" statt "Wein",
und fröhlich dien mir "si", nit "sein".
Meint dann
di Bsuech, er heig kapiert,
wie s Alemannisch funktioniert,
bringsch us em Ofe heiß und guet
öbis, was herrlich schmecke duet,
said gli di Gaschd ganz ehrfurchtsvoll:
"Oh, dieser "Uffluff" duftet toll!"
d Umgebig blibt
unzergengt
Mario Fitterer
D Umgebig blibt unzergengt
de Herd isch kchaltgschtellt
i wer s Gschwulst überlebe
i glaub ite
aß si mir öbbis verschwiege
d Umgebig blibt unzergengt
wie goht s
im Heim-Müchli am Herd
mi Ma sait
redde mer it drüber
