Manfred Marquardt: D' Botti | Erna
Sonner: Gfeschtlet | Sophia Bauer:
En Bilderbuech-Lehrer
D' Botti
Manfred Marquardt
Im Läbe bruchsch e Botti,
suscht het's di näume glii.
Öb d'luegsch: Wo ane sotti? -
macht's bätsch, un de muesch sii.
Sotsch näume chönne lache,
wenn 's a dr durerütscht,
ne langi Nase mache
däm, wo di nit verwütscht.
Im Läbe bruchsch e Eckli,
wo niemer anechunnt.
Wie's Chätzli si Versteckli
wo's Ruehj het vorem Hund.
Gfeschtlet
Erna Sonner
Ä Fescht im Kaiserstöähl
Karre an Karre
brummt ani
mir durs Gmeät
Zwo Amsle pfiffe
druff
häns wichtig
mitnander
Nämme sich Zit fir
d Froge un d Antworte
vu Firscht
zöä Firscht
Si gunne sich s Wort
schwätze sich nit
drinii.
En
Bilderbuech-Lehrer
Sophia Bauer
De
Grashalm suecht sin Weg
us Randstei un Muure.
Mir steh'n im Lebensstaub,
luege zue nem dure.
Seh'n d Blueme im Garte
un schmecke de Duft,
höre d Grille, wo zirpe
in de flirrige Luft.
D
Natur het khei Urteil,
erscht recht khei Taktiire.
En Bilderbuech-Lehrer.
Mer chennts estimiire.
