Marianne Heppner-Hirtler: Ohne Titel |
Hans-Peter Zeller: Si kämpfe wieder
Ohne Titel
Marianne Heppner-Hirtler
(us: Alemannisch dichte)
In minem Getti sinem Garte
hän geschtert drei unbotmäßigi
Lewezähn gege
fimbf Äuito demonschtriert -
si hän sogar dr Macadam verheit!
S isch ebbis Args,
alles mache si hi!
Awer mit so ä paar
wehtagige Saichbluäme
wäre mr noch Maischter.
Des wänn mr doch ämol sähne
ob sich d Natür
üsbreite kann
wu si grad will.
Si kämpfe wieder
Hans-Peter Zeller
(us: Alemannisch dichte)
Si kämpfe wieder, ha ich glese,
die Zitig schribt, s het Tote ge,
mir wars als wärs erscht gestern gwese,
die schrecklich Zit mit Ach un Weh.
Si kämpfe un duen d Lit vertriebe,
un jage si vo Hus un Hof,
mir ischs als wars erscht un s wird blibe,
die Zit voll Angst un fast kei Schlof.
die eine kämpfe für ihr Heimet,
die andere, will si d Freiheit wenn
un wieder andre, will ne träumet,
daß si e Anspruch dozu hän.
Die eine kämpfe für d Glaube,
die andere will m s ihne sait,
un wieder andere wenn nur raube,
s wird s Gwehr un s Messer ummetrait.
Si kämpfe witter, ha ich glese,
die Zitig schribt, es rummst un kracht,
mir wars als riech ich sell Verwese,
un sieh des Unrecht vo d Macht.
Si kämpfe grusig un si töte,
si schlachte, morde, si wie gstört,
un mir ischs als wenn Haß un Nöte
sit Johr un Tag uf d Welt na ghört.
Si kämpfe wieder, wird ich lese,
viellicht scho morge, nächstes Johr,
daß nie meh kämpft wird, dess zum lese,
wird sell mi Lebtag au mol wohr?
