Carola
Horstmann: mi Herz |
Katzejoomer |
Sunndig im Altersheim
mi Herz
Carola Horstmann
(aus: däsche us schnee,
Drey-Verlag)
S verwunderet
Bisch so alt wien ii
wirsch so alt wien ii
du wo do
naime
im Finschtere
pumperet
Du schaffsch di Sach
weisch nüt vo mir
aber Däg git s
do schlahsch druf
wie en Tennisprofi
un däzwüsche naihsch
Knopflöchli
eins am andre
Bal bisch dure
---------------------------------
Katzejoomer
Carola Horstmann
(aus: däsche us schnee,
Drey-Verlag)
D Katz macht im Müüsli
uf de Fueßmatte
lutti Vorwürf
aber s spielt eifach nümmi mit
dä undankbari Kaib
-----------------------------------
Sunndig im
Altersheim
Carola Horstmann
(aus: däsche us schnee,
Drey-Verlag)
D Stilli
spieglet sich
in glänzige Böde
Sunndig Nommidag
Vermurmleti Wörtli
triibe ufenander zue
vonenander ewäg
uf de Fenschderbank kreislet e Fliege
Aber jetz kunnt
mit schwarzi Stichli
in Boode gnaiht
tacktack de erschti Bsuech
Stoht soneme
wisse Schopf
eifach in d Heiteri
rüeft lutt Nämme
Verweckt Auge
wo sich erscht do
us ihre Hütt schelle müen
wotti wüsse ob mer sich freuj
Wurum au nit
