S Radio Kanal-Ratte in Schopfe
suecht immer noch Litt,
wo e alemannischs Programm uf d Bai stelle. Grad
junigi Litt sotte sich do agsproche fühle. Immerhin
kammer selber bestimme, was gsendet were soll. Wer
des nit?
Alemannischi
Sändige sin gforderet - d' Privatsänder sehn chei
kommerzielle Verwertigsmöglichkeit un di
öffentlich-rächtliche stelle s' Alemannisch ins
Folkloreeckli. Drbi wärde d' Sändezyte vo
alemannische Sändige immer chürzer.
Mir bim Kanal Ratte z' Schopfe hen scho ne baar
alemannischi Sändige gmacht: Mol ware de Harald Noth
un de Wolfgang Mießmer do, denn s' Gretli Vollmer un
no vieli anderi. Sell ware bis jetz immer einzelni
Sändige zue me bstimmte Thema.
Mir hen uns überleit, dass mr gärn e regelmäßigs
redaktionells Programm uf Alemannisch aabiete würde.
Wie mr sieht gits jo e Nochfrog un mir als Freie
Sänder muen nit de Wärbeiinahme un em Kommerz
hinterherlaufe. Mir sin komplett frei in de
Programmgstaltig un unser Sändekonzept isch,
qualitativ gueti un abwechsligsriichi Sändige für
Lüt z' mache wo Radio bewusst loose duen. Mir
gsehn's au als unsere Ufftrag e Programm z' mache wo
di inhaltliche Defizit vo de große Sänder fülle duet.
Des het abr au e Nochdeil - mir mache sell Radio
alli ehreamtlich, unterstützt vo de Förderig vo de
Landesmedienastalt z' Bade-Württeberg. Des heisst mr
chönne nit wie im e normale Radio eifach bschliesse,
dass mir jetz gärn e Alemannischi Redaktion hätte un
denn eifach selli Lüt wo mr bruuche iistelle odr ene
e Honorarvertrag aabiete. Will mir sin en Verein,
mir hen grad gnueg Geld zuem de Sänder betriebe un
investiere alli als Mitglieder mehr odr weniger Zit
in selle Betrieb - vo de Sändige übr d' Technik bis
zuer Öffentlichkeitsarbet.
Do
chömme mir abr jetz zämme: Ihr wänn s Alemannisch
ins Radio bringe un mir hän de Sänder un Lust druff
sell z' mache. Will mir abr alli säll näbebei mache
un au eigeni Sändige un zuem Deil no
Verwaldigsuffgobe hen bruuche mr do neui Lüt drzue.
Unseri Idee isch ganz eifach:
Öbber wo vieli potentielli Alemannischi Redakteur
chennt übrnimmt d' Leitig vom Projekt. Selli Person
luegt denn drno, dass jedi Wuche öbber im Studio
isch.
Denn muess sie s nit alles sälber mache. Inhaltlich
sin mer auf offe - sell cha ei Wuche mol um
Literatur go, Gedicht, Musik, regionali Nochrichte
odr internationali Politik - was au immer, Hauptsach
uff Alemannisch. Wenn d' Projektleiteri / de
Projektleiter gnueg Lüt chennt, denn isch es für de
Einzelni nochher nümme viel Arbet - eimol im Monet
odr so e Sändig z'mache.
Wie des alles goht, technisch un organisatorisch, do
drum chümmere mir uns.
Ihr krieget e technischi un redaktionelli Schuelig,
mir zeige Euch wie's Studio funktioniert un stöhn bi
Froge parat. Alli zwei Wuche träffe mr uns au zuem
Plenum - immer in de grade Kalenderwuche am Zischdig
z' Obe um achti.
Finde duet mer uns z' Schopfe an de Hauptstroß 82,
hinter de Badische Zyddig.
Höre cha mr uns übr UKW uff 104,5 MHz, im Kabel uff
89,35 MHz un übers Internetz uff
www.kanal-ratte.de (Empfang). Uff unsere
Netzsyte gits denn au no meh Information übr uns.
Wie gohts jetz los? Lütet uns aa, schriibet e E-Bost
odr chömmet zuem Plenum vorbii. Mir freue uns uff
Euch!
Kontaktdate: Telifon: +49 7622 6692-53
info@kanal-ratte.de
Freies Radio Kanal Ratte, Hauptstraße 82, D-79650
Schopfheim
