Startseite zum Kontaktformular Telefon zum Menü
Mitglied were

Gedichte

Wintertag

Heimann-Buß, Christa
Jerenei duet des jetz batte.
S lit uf alle Gartelatte,
schneit uf Bäum un Dächer druf –
un hört allwil nonit uf.
Siehsch kei Weg me, keini Stroße
un de Wind duet allno bloose.
Wiißi Schwade weihjt er hi
un ’s schiint nonit fertig z’si.
S Vogelhus mit dicker Chappe
Un drumumme Chatzedappe.
S bigt un bigt die Flockepracht,
daß de Chinder ’s Herzli lacht.
Dinn am warme Chachelofe,
duet de alte Ätti schlofe,
denn bi some Huffe Schnee
macht em halt si Rheuma weh.
Lit no gnueg vom wiiße Plunder
schiint is d’Sunne – un Potzdunder –
jetze strahlt die Winterwelt
schöner no wie Gold un Geld.
Schöner no wie Märchengschichte;
also due de Schlitte richte,
denn het’s gnueg vom Schnee verstreut
lacht is echti Winterfreud!

Januar 2006


Impressum Datenschutz