Startseite zum Kontaktformular Telefon zum Menü
Mitglied were

Gedichte

Ifall znacht

Scheurer, Wolfgang
I lig im Bett un dus grad i:
Do isch e schönes Versli gsi!
I mach schnell Liecht un schrib mr s uf,
sust chumm i morn bestimmt nit druf.
Mi Fraueli ruft nebedra:
"Mach s Liecht ab, daß i schlofe cha!"
Des haut mr glatt dr Fade ab;
un setz i au mi Geist in Trab,
es will un will nit cho,
drum lösch i ab un loß es goh.
Un chum sin d Augedeckel zue,
do gumpt s deher un git kei Rueh.
Jetz gang i dra un schrib s no gar
un bi so stolz ab dere War,
i mueß es ganz lut glese ha.
Doch d Rau meint numme: "Liebe Ma,
sig still, i ha doch nüt kapirt.
Jetz sig doch nit eso pressiert
un loß mi schlofe. Lis mr s morn."
So Unvrstand weckt Chünstlerzorn.
Wil si, so schint s mr, nit vrstoht,
um was es mir grad ebe goht ...
Bi zfride! Andre sig s passirt:
Die heb me eifach usquartirt. 

April 2013

Mehr Gedichte von Scheurer, Wolfgang



Impressum Datenschutz