Einen zweiten Preis erhielt die Klasse 6c der Montfort-Realschule in Zell im Wiesental unter Anleitung der Lehrerin Dorothee Lederer für ihre „Ding-Fable uff alemannisch“. Hier zwei Textproben:

S`Bladd und de Schdifd

Lit en Schdifd uf em Disch un jommad: „Imma i, jez soll i scho wida a Fabel schribe, un´s fallt ma aifach nit me ieh, was soll i nur mache?“
„Du jommasch?“, saids Bladd, i muss doch de ganze Schießdreck usshalde, wo du uf mi druf schribs, un i cha mi garid wehre.“ „Schießdreck????? Heißt des, dass alles, was i bis jez gschriebe ha, nur Chäs war?“, schreid de Schdifd.
Do saids Bladd ganz vorwurfsvoll: „Ha, de hedsch di scho ab un zu eweng me aschdränge chönne, find i. Aber Babier isch hald geduldig, gell!“
„Was soll ma jez mache, min Chopf isch leer!“, said de Schdifd.
„Weisch was“, ruefds Bladd, „i han`s . Idee han i immer gnueg, nur schriiebe chan i it. Do muesch du mir helfe.“
De Schdifd isch glücklich un zemme lege sie los. „Dini Idee un mini Tinde. Mir zwei sin´s perfekte Team!“
Un de Moral vo däre Gschicht:
„Zäme sima schdark!“

Thea
 

An VW Chäfer und an VW–Beatle

Uff ner Audobahnraschdstädde hän sich än VW-Chäfer un än VW Beatle troffe.
De Beatle hätt gli was zum Meckere gha, er hätt zum Chäfer gsait: „Was bisch denn du für ä alt Audo, du bisch doch gar nümmi schdroßedaugflich, lueg dir mol diene Felge ah! Total verroschdet un verchratzt.“
De Chäfer war stinksauer un hätt gandwortet: „Du chunsch doch us de Audofabrig, aber I bin us Liebi zemmegschruubt.“
„Schwätz it“, said de Beatle, du bisch bschtimmt cheini 1000 € me wert, „i bin nagelneu un hab 25 000 € choschded.“
De Chäfer lacht in sich ihne un said: „Du irrsch di gwaldig, I bin än Oldi un bin wahrschienlich gnauso oder gar no me wert wie du, un bevor I´s vergiss, bi mir muess ma keine Stühre me zahle.“
Blötzlich chunnt de Bsitzer vom Beatle dehär un siehd nebe siem Audo des Chäfermodell sto.
Sieni Auge fange z´glänze a un er striecht mit de Hand über de Chäfer.
Er denkt: „So ä schen Audo hätt mien Oba au maol ka.“
Er dreht sich zu siem Beatle um, stiegt ih un sait: „In 30 Johr bisch du au so än Oldie, wie de Chäfer nebe dra, sell isch doch cool, hä !“
Un was lehre mer drus?
„Au neue Sache werde mol alt!“

Adrian
 

D´Sense und d´Rasemaier

Ä Sense und ä richtig guede Rasemaier sin in em Gardehüsli gschdande. S war lang ruhig zwische ne, doch dann hän sie afange schtride. D´Rasemaier hät glangwielt gfrogt: „Wie alt bisch denn scho?“ „I bin 5o Johr alt!“, war´d Antwort fo d´Sense.
Do druf d´Rasemaier: „So ä aldi Sense taugt jo garnit, i und mini Brüder sin die beschde Rasemaier überhaubt. Mir sin liecht, chlei und s isch nit so aschdrengend zum Maie.“ „So, so und wer isch billiger, i oder du? I nadürlich, i hab nur 19 Mark choscht und du 12o Euro. Userdem bin i chleiner als du und i bruch kei Strom.“
In dem Moment isch Düre uffgfloge und de Gärtner isch ihne cho und hät die aldi Sense usegholt. De Rasemaier isch schtingig worde, doch d´Sense war glücklich, weil sie usse hät dörfe und gschärft worde isch.
Un was lehre mer drus?
„Denk nie du bisch bessa, nur weil du schöner bisch.“

Luca