Gedicht des Monats Dezember 2018

Scho wieder isch eis gange,
das in der Reihe fehlt,
e Handvoll blibt efange,
wenn mr sie durezehlt.

Mir wisse, s ghört zum Lebe,
doch eineweg tuets weh,
mir wotte s so gern hebe
un hebe s doch nit meh.

Uns blibe d Bilderboge,
us ere ferne Zit
un selli alte Froge,
uf die s kei Antwort git.

Mir mien im Ungfähr warte,
bis unsri Zit do isch,
dno chömme alli Charte
un d Wohret uf de Tisch.

Hans-Peter Burget