Aktuelles

Unser Kläberli goes New York
Alemannisch schwätze im Black Forest Brooklynmehr Infos
"Lahrer Murre"
D Muettersproch-Gsellschaft gratuliert de vier Priisträger zue de Lahrer Murre:
Nicole Keilbach-Schmittel, Mariele Loy, Inge Tenz un Wendelinus Wurthmehr Infos
E Tasche fir e nejes Mitglied
Wer e nej Mitglied fir d Muettersproch-Gsellschaft wirbt, wird mit ere extra fir uns entworfene Baumwolltasche belohnt.mehr Infos


Des gfallt mir Mundart in der Schule Alemannische Wörter



Wer sin mir eigentlich? - E kurze Überblick

De Afang

Z erscht isch do Afang vo de 60er Johr en Arbeitskreis vo alemannische Mundartdichter un -dichterinne gsi. Er het sich um de Friburger Dichter us em Markgräflerland, d Hubert Baum, versammlet. De Karl Kurrus (Endinge un Friburg) het dezue ghört un de Richard Gäng (Friburg), de Eugen Falk Breitenbach (Hausach), de Hans Matt-Willmatt (Stühlinge) un mänk andere hen mitgmacht. Nit minder wichtig sin d Fraue gsi, wo sich ebefalls als Dichterinne betätigt hen, wie d Ida Preusch-Müller (Kandern), Lin Ritter-Potyka (Friburg), d Hedwig Salm (Friburg), d Lina Kromer (Obereggenen) un d Gertrud Albrecht (Friburg).

Gege Vorurteil akämpfe

Si hen alli s gliich Aliege gha. Si hen welle, dass unsri Heimetsproch us em politische Verruf ruskunnt. Het nit s "Kampfblatt der Nationalsozialisten am Oberrhein" DER ALEMANNE gheiße?
Si hen sich also gegesitig gstützt in ihre dichterische Arbet, sich Muet gmacht un sich nit in e falschi Ecke dränge losse.
Dodrus het sich im Johr 1965 d Muettersproch-Gsellschaft entwicklet, en Verein, wo sich d Mundartdichterinne un -dichter un d Fründ von ene zemmegfunde hen. Erhalt un Pflege vo de alemannische Mundart isch as gmeinsam Ziel in der Satzig gstande, so wie s au hüt noch drin stoht.
De erscht Präsident isch de Prof. Dr. Asal gsi, Kulturreferent am Regierungspräsidium Südbade. Scho bal isch uf ihn de Dr. Walter Füßlin gfolgt, ehemals Präsident vom Gsundheitsamt z Friburg. 1972 isch de Klaus Poppen (Friburg) Präsi wore un het de Verein iber 30 Johr gfüehrt. Vu 2002 bis 2007 isch de Walter Möll us Singe Präsi gsi. Siterem April 2007 isch jetz de Franz-Josef Winterhalter, bis vor kurzem Burgermeister vu Oberried, nejer Präsi vu de Muettersproch-Gsellschaft.

Schweri Erschti Johr

KleberliDe Verein het gli z Afang e Buech usegeh, "Alemannische Geschichten, e Lesbuech in der Muettersproch für großi un chlini Lüt".
Vor allem Dichterlesige sin in de erschte Johr sini Schwerpunkt gsi. Un e Vereinsheftli "Alemannisch dunkt üs guet" isch viermool im Johr erschiene.
Aber im Lauf vo de Johre het de Verein stagniert. Um die dreihundertfufzig Mitglieder het er gha un s isch nit fürschi gange.
Im Johr 1975, wo de Klaus Poppen d Präsidentschaft ibernumme gha het, isch no d Idee ufkumme, dass me ne Ufkläber entwicklet, ebbe der, wo inzwische zigtuusig-mol überall im Alemanneland z finde-n-isch: "Bi uns cha me au Alemannisch schwätze." Später isch deno noch d Version "Bi uns kammer au Alemannisch schwätze" dezue kumme.

Initialzündung

Des isch d Initialzündung gsi für die neu Form vo de Muettersproch-Gsellschaft. Mit dem Kläberli isch si us de Dichterstube in d Öffentlichkeit kumme. D Zitige hen über des Kläberli brichtet, d Lit hen s welle ha, un d Muetterspröchler hen si no gliich as neui Mitglieder gworbe.
Un mir sin mit Ständ "uf d Stroß" gange. Uf die Art het der Verein e unglaublichi Entwicklung mitgmacht. Jede Tag e neu Mitglied het s gheiße un des hen d Muetterspröchler e paar Johr durchghalte. Inzwische het de Verein 3000 Mitglieder. Un us dene vier Heftli im Johr sin zwei dicki Hefter mit 80-100 Site alli Johr wore. (Siehe Unser Heftli)

Regionali Gruppe

D Entwicklig het s au mit sich brocht, dass me regionali Gruppe gründet het, die erscht vor über 30 Johr z Lörrach. Inzwische sin s 17 zwische Konstanz, Lörrach un Offeburg. Unter Regionalgruppe findet mer mehr zue dem Thema.
D Muettersproch-Gsellschaft het sich in dene letschte 30 Johr zu de gröschte Intressevertretung vo de Mundartsprecher bi uns entwicklet. E Art großi Bürgerinitiativi. Bisher isch kei ähnlich großi Intressegmeinschaft für Mundart in de Bundesrepublik bekannt.

Un hitt?

Natierlig ghöre Veranstaltunge mit Kulturschaffende im Alemannische nach wie vor zue de ganz wichtige Aktivitäte vom Verein. Aber d Muetterspröchler mische sich au ii, wenn es um s Asehne vu unsere Sproch goht, sej des im Rundfunk, im Fernseh, in de Zittung, in de Schuel oder im normale Lebe. Mir wenn Muet mache zum s Alemannisch aktiv z vewende un schaffe do dro uf alle mögliche Ebene.
Us dem einde Kläberli sin inzwische e ganzi Reihe vo verschiedene Mundartufkläber wore. Mir hen veschiedeni Anthologie rusbrocht, in de letschte Johre e "Alemannischs Wörterbuech" un e "Alemannischs Liederbuech". Un Poschtkarte hen mir gschaffe un Mundartposchter un vieles meh. Mit jedem Mundart-Text, wo mir unter d Lit bringe, so sage mir, isch wieder e Stück Heimetsproch verbreitet. Hitzedag nutze mir do au s facebook dezue. Luege au dert eifach emol nii.

Mitglied werden

Nu nit debii? Dann aber flott! Jetzt mitmache und Mitglied were! So findsch uns
mehr Infos

So findsch uns

Muettersproch-
Gsellschaft
Hansjakobstr. 12
79117 Freiburg
eMail

Immer debii

un uffem laufende!
Abonnier unser
Infoposcht
Nejigkeitebriäfli