Startseite zum Kontaktformular Telefon zum Menü
Mitglied were

Gedichte

Friehlingsblange

Ohm, Werner
I lueg im März zuem Fenschter us;
s isch chalt, un s regnet – s isch e Gruus.
I sih dört duß d Akazie stoh;
ganz schwarz un duschter sin si no.

Blibt s disjohr ägscht no lang so chalt?
Wenn zieht dr Friehling in dr Wald?
I ha ne Blange in mim Bluet
no Bluescht un Bliete, Sunnegluet.

So lueg i nonemol dörthi,
wo-n-ich zerscht bloß d Akazie sih,
un wo-n-i lueg, no sih-n-i do
ganz nooch e Wiidezwiigli stoh.

Es blieiht; s sin Silberchätzli dra
mit Goldstaub druf; i lueg si a,
un wo-n-i s’ sih, no weiß i glii:
Dr Friehling mueß scho dusse sii!

Es isch halt allewiil eso:
Sihsch groß un schwarz d Akazie stoh,
un s Blietezwiigli dir entgoht,
obwohl s dr doch viil nöcher stoht!

März 2003

Mehr Gedichte von Ohm, Werner



Impressum Datenschutz