Startseite zum Kontaktformular Telefon zum Menü
Mitglied were

Gedichte

Hummele

Schaub, Karl Heinz
I lauf do an mi Wasserfaß,
wer isch do drin, wer isch do naß?
A chleini, rundi Hummele
si tuet gar nümmi summele.

Doch zapple tuet si wie ne Chrott,
s sieht us, als ob si schwimme wott.
Doch dofür isch si nit erschafft,
het d Flosse nit un au kei Chrafft.

Wie rett i jetz diä dummi Chachle
si het wahrschiens au ä Schtachle.
I nümm des Hölzli nebedra,
drmit si mi nit schtupfe cha.

Hümmeli, bruuchsch nit versuffe
do hock di uf der schteinig Huffe,
drmit de d Sunnewärmi schpürsch
un au bal widr droche würsch.

Bal druf lueg i nooch dem Tierli,
doch des schient dem si Plesierli.
Widr zapplets in dem Faß
un s Pelzli widr pflätternaß.

Nomol mueß i s Schteckli hole,
mr sott dr grad dr Frack versohle.
Was driibt di wohl, du Chaibevieh
allbot zu dere Tonne hi.

So durschtig ischs doch au nit hütt
un lebensmüed des duld i nit.
Au bi Liebeschummer odr so
bruucht me nit gli ins Wasser go.

 

August 2008


Impressum Datenschutz