Gedichte

Trurig

Spitz, Alban
Vernaglet mit de dickchste Bretter,
so göhnd mir Mensche doch dur s Läebe,
und euser gescheit-dumm Menschesträebe
s gilt numme dem: Wie hät me s netter!
Was hämmer doch für großi Schnöre,
so wüescht. Us eusem "schöne" Denkche
tüen mir jo nüt, as andri … chränkche
mit eusem raudige Plagöre.
Mer bete lut …, wenn s is grad nudlet,
sunscht isch is Gott e guete Kärli
- vergesse grad wie alti Märli -
denn eusi Seele sind versudlet.
 

Januar 2012