Gedichte

Tapetewechsel

Ruesch, Kathrin
am eselsohreherz
isch de lack abplatzt

verletzti fetze
lambe devu

achtig frisch gstriche!

ratz-fatz überbinslet
ruggi-zuggi überkleischteret
mit allerhand tröschteleie

bundi pille
gege schwarzi dräum

im hamsterrad unserer zit
eifach nit bai kuu

ruuchi auge
kurzsichtigi händ

vor em nägschte tapetewechsel
- zweifachgrundierung
- seelekande abkläbe
- vertrauensbruch iigipse
- doppelknote uff de herz-bendel

un
endlich
zuer reuhj kuu

im zittraffer schmerz

November 2022