Mundart in der Schule

Buchen Sie alemannische Künstler

Aktuelles

Tagung fir de Dialekt
D Landesregierung het Dialektvetreter vum ganze Land zuere Tagung iiglade.mehr Infos
Schöne Grüße
aus dem Biosphärengebiet mit Mundartsprüchen.
Übersetzung finden Sie hier!mehr Infos
Alemannisches Wörterbuch ist da!
Die 3. neu bearbeitete Auflage ist soeben erschienen!mehr Infos


Des gfallt mir Alemannische Wörter

Impressum | Datenschutz

Gedichte

S Gschait (Die Grundstücksgrenze)

Müller, Arno
(Die Grundstücksgrenze)

Im Räbberg obe schtoht ä Hitte,
do hän emol zwei Fräue gschtritte.
Diä eint het brialt: Dü läbsch mr z’leid,
andauernd dappsch mr iber’s Gschait.

Dia ander brialt: Dü bissig Lueder,
des Fäld isch gerbt vu mirä Mueder.
Därt, wu dü schtosch mit diene Bei,
schtoht scho sit hundert Johr dr Schtei.

Wir jo nit fräch, brialt’s Annekätter,
Dia Sach’, dia wird jo immer nätter!
Un während mer so geitscht un brialt,
het jedi noch em Markschtei gnialt.

Uf alle viare sin si gneit,
hän mit dr scheenschte Wärter gschpeit:
Dü Glüderi, dü alti Schees,
dü Gans, dü Dangelhammergfrees.

Immer greßer wäre d’Mieler,
un’s Echo härt mr z’ Wasewieler,
bis no ändlig noch zwei Schtunde
eini wirklig ebbis gfunde.

Do luag, brialt ‘s Kätter mit viel Gschrei,
un nottlet amme Ankerschtei.
Oh jähre nai, brialt ‘s Karolin
un dilbt mit ganz verzehrter Mien
so guat ‘s eu goht mit beide Händ
an ‘s Nochbers Hittefundamänt.

Zum guate Glick schtoht do nä Hitte,
dänn grad uf eimol fangt’s a schitte.
S Karolin un ‘s Annekätter
schälte iber’s Regewetter.

Sie hän sich mit em Kopfduach degglet
un sin vo Wuat in d’ Hitte gsegglet.
Was litt dänn do, duat ‘s Kätter froge
un luagt vrgelschtret uf dr Bode.

Do litt ä Girtel vu miem Maidli,
vu sienem nagelneie Kleidli.
O järe nai, brialt’s Karolin,
do litt miem Bua si Fiarerschien!

Was hän dia gmacht in däre Hitte?
S Kätter sait: Beschtimmt nit gschtritte.
Dia hän sich gärn, het ‘s Kar’lin gsait
un froge nit noch uns’rem Gschait.
Dia Fräue häre uf mit schtritte,
sie häre jetz scho d’ Glocke litte
un fraie sich scho uf dia Schtund,
wu des Vermege zämmekunnt.

August 2000


Mehr Gedichte von Müller, Arno

Mitglied werden

Nu nit debii? Dann aber flott! Jetzt mitmache und Mitglied were! So findsch uns
mehr Infos

So findsch uns

Muettersproch-
Gsellschaft
Hansjakobstr. 12
79117 Freiburg
eMail

Immer debii

un uffem laufende!
Abonnier unser
Infoposcht
Nejigkeitebriäfli