Gedichte

Siefert, Alfred
S Annili uss-’m Schuttertal,
s Jockili vunn Schweighuuse,
s Annili hett ä Nuß im Sack,
s Jockili will’s-’m muuse.

S Annili uss-’m Schuttertal
möcht’ sien Nüßli b’halte,
s Jockili awer het’s schunn lang
in d’r Hand verspalte.

S Annili uss-’m Schuttertal
suächt unn suächt sien Nüßli,
s Jockili frogt’s, ob es-’m-’s nit
hergäb’ für ä Küßli.

S Annili uss-’m Schuttertal
meint, es hätt’s verlore,
s Jockili awer lacht unn packt
s Annili an de-n-Ohre.
S Annili uss’m Schuttertal
kann sich nimmi wehre
unn muäß sehne, wiä sien Schatz
s Nüßli tuät verzehre.

Februar 2005