Mundart in der Schule

Buchen Sie alemannische Künstler

Aktuelles

Tagung fir de Dialekt
D Landesregierung het Dialektvetreter vum ganze Land zuere Tagung iiglade.mehr Infos
Schöne Grüße
aus dem Biosphärengebiet mit Mundartsprüchen.
Übersetzung finden Sie hier!mehr Infos
Alemannisches Wörterbuch ist da!
Die 3. neu bearbeitete Auflage ist soeben erschienen!mehr Infos


Des gfallt mir Alemannische Wörter

Impressum | Datenschutz

Gedichte

Easy living

Winterhalter, Martin
Easy Living heisst mii Hüüs,
do goht mr grifffreij nii un nüs;
do drin gohts weder nuff noch naa,
do drin derfs keini Schdáge haa;
d`Fiäß brüchsch küm vum Bode hewe,
dr Bode isch durchwág topfewe
un ligt total süfer im Bleij -
kurzum, des Hüüs isch barrierefreij!
Fáge, schdrupfre un so Sache
brücht mr do drin nimmi mache
dánn, well do alles ewe isch,
spiilt á Roboder Fádrewisch
un wuselt dauernd hár un hii,
sammelt jedi Fussel ii
un fir Mugge, Schbinnli, Káfer
gitts kei altbaches Verdáfer;
Umluft haldet s` Klima frisch,
Kakerlake, Silwerfisch,
alles, was nadiirlig isch
het in minem Hüüs kei Chance,
modárn láwe in Balance
macht üssem Láwe Luxus pür -
doch sunscht vun Láwe keine Schbür!!
Vun wäge Kánschderliwiin un Brot im Kaschde,
zum flodde Láwe gkärt au s`Faschde!
Wár mecht schdatt Vorschriftsbodymaß
wágánem Kalorijefraß
noch Schbáck am Hindere rumschleipfe,
zum Kuchimache d`Hánd iiseipfe?
Mr schont diä lange Fingernegel!
Salat butze: Ach welch ein Ekel!
Modern sii heisst: Mach Joghurt uff,
schdrei á baar Müslikerner druff
un scho hesch dü zum Láwe gnüe
un d`Woog, diä losst dich scheen in Rüeh!
D`Fánschder gehn bis uff dr Bode,
well si 3-fach un isoliärt sii sodde
blitt d`Keldi duss, Sunne kunnt rii
un scho wurds ungheizt warm gnüe sii!
Mir diän im Sunnewärmiwasser bade,
d`ganz Energii hängt an dr Sunne ihre Gnade.
Sitt d`Wált beschdoht weiss mr des scho,
diä Sunne isch doch allewiil do!!
Was alles koscht? - Des wurd vrschwiige!
Gáld derf nit, fir nix, uff sonere Bank rumliige!
Zmols ischs wumeglig á noch furt,
wánn`s iweral so wiä in Zypern wurd!
 

November 2013
Winterhalter, Martin

Mehr Gedichte von Winterhalter, Martin

Mitglied werden

Nu nit debii? Dann aber flott! Jetzt mitmache und Mitglied were! So findsch uns
mehr Infos

So findsch uns

Muettersproch-
Gsellschaft
Hansjakobstr. 12
79117 Freiburg
eMail

Immer debii

un uffem laufende!
Abonnier unser
Infoposcht
Nejigkeitebriäfli