A Brig un Breg - Nejigkeite

diese blöde Summerziit

Wo si iigführt wore isch, do bi ich jo no ziemli jünger gsi un han selle Stund ehnder weg gsteckt.
Jetz fallt s mir efange doch schwer un ich bruch guet 14 Tag bis drei Wuche, bis ich wieder uf de Reihe bin.
Mich weckt jo eigentlich s Radio, SWR4, mit em erste Morgegrueß.
De Wecker rasslet e halbe Stund später.
Am Mittwoch han ich de Morgegrueß verbasst un bin erst am Wecker verwacht.
"Oh nei!" han ich mir gsait, "ich mueß no weng schlofe!", un han en abgstellt.
Der Siiech hät des ignoriert un hät wieter gschellet. No han ich d Weckziit zruck gstellt, er hät wieter grasslet. Dann han ich oefach d Batterie rusgmacht.
S hät nint gnutzt, der Wecker hät immer no grasslet. No han ich ne gschappt un unter d Matratz gsteckt. Er isch immer no z höre gsi, so luut wie vorher.
Bin efange ziemlich fuxig gsi, han resigniert es Licht aknips...........do isch der Wecker tönend uf mim Nachtkäschtli gstande.
Ich han die ganz Aktion nu träumt ghett.
Jedefalls bin ich deno uf oemol putzmunter gsi.
S wundert mi aber scho, wie mer so lebhaft un realistisch träume ka.