Mundart in der Schule

Buchen Sie alemannische Künstler

Aktuelles

LUDDI "ReTour de France"
Mit der extrafeinen Akustik-Tour in der Martinskirche Müllheimmehr Infos
"Lahrer Murre 2019"
Es isch wieder so witt: D Stadt Lahr schriibt wieder e Mundart-Literaturwettbewerb us.mehr Infos
1000 Wörter Alemannisch
Ein Wörter- und Bilderbuch für die Kleinenmehr Infos


Des gfallt mir Alemannische Wörter

Impressum | Datenschutz

Gedichte

Zwi Bah'verwalder

Ganther, August
's isch Nomidags, so gege halwer viari,
d'r Hölledäler halt am Bahhof Wiahri.
Dr Bah'verwalder stoht bim erschde Wage;
er het im Füehrer ebbis Wiechdigs z' sage,
un 's büro, sell stoht offe un isch leer.
Do schiaßt ein schneller as d'r Blitz d'rher
un stolb'rt zue d'r offne Diiere ni
un rennt im Ifer an d'r Schalder hi.
Un druß, im Gang, rennt zue d'r gliche Zit
au ein an Schalder hi un möcht no mit.
D'r Kuenz stoht druß, d'r Benz stoht drin am Schalder,
un jeder meint, d'r ander wär d'r Bah'verwalder.
's möcht jeder vun ne e Bolede ha;
jetz brüehle sie enand gottsträflig a.
"Kirchzarde," rüeft d'r Alt, "schnell, schnell e Karde!"
D'r Jung, der brüehlt: "G'schwind, g'schwind, uf Hinderzarde!"
"Was?" schnuuft d'r Alt, "hen 'r e Sarewack'l?
Kirchzarde sag i! Ihr sin au e Dack'l!"
"Nei, Hinderzarde! Herrschaft, so ne Klotz!"
"Kirchzarde sag i! Schlofe-n 'r bigotts?
Kirchzarde! Vora! I ka nit lang warde!"
"He, sin n'r ganz v'rruckt? Uf Hinderzarde!"
"Kirchzarde! - D' Löffl uf, potz Dunnderschlag!"
"Nei, Hinderzarde, wenn i emol sag!"
"I han in Hinderzarde nix v'rlore!
Kirchzarde sag i! Hen 'r keini Ohre?"
"Un i sag Hinderzarde! 's bliebt d'rbi!
Ihr sin e Kerli, dümmer as e Vieh!"
Batsch! - 's klöpft! D'r ung duet sich d'r Backe riewe.
Ratsch - zahlt 'r 's heim. 'r will nix schuldig bliewe.
D'rwilscht dia zwi Verwalder wüescht sich däsche,
d'rwilscht sie g'hörig sich d'r Belz v'rwäsche
un bums - 's groß Schalderfenschder z'samme schlage
d'rwilscht sie d' liabschdi Nämmili sich sage:
Kamel, Ochs, Esel, Nashorn, Daigaff, Kueh,
dampft's Zügli Kirch- un Hinderzarde zue.  

August 2012


Mehr Gedichte von Ganther, August

Mitglied werden

Nu nit debii? Dann aber flott! Jetzt mitmache und Mitglied were! So findsch uns
mehr Infos

So findsch uns

Muettersproch-
Gsellschaft
Hansjakobstr. 12
79117 Freiburg
eMail

Immer debii

un uffem laufende!
Abonnier unser
Infoposcht
Nejigkeitebriäfli