Gedichte

Frühling

Burte, Hermann
Der Himmel glänzt wie blaui Siide
Schön wiißi Wülkli zittere druff:
Hemdsärmlig cha mes bal verliide -
Was Wunders, wenn e Veieli schluff?

Am dunkle Dannwald lyt e Schoche
Veriiste Schnee, dä daut un schwynt -
d' Sunn het e Chraft, der Bann isch broche
Un 's Härz schlacht ringer, wenn sie schynt.

Wie nonem Bade dampft der Bode -
Men othmet dief un 's Aug würd fiecht,
Gott chuucht aim aa, ne linden Oode:
Sy Suhn, der Früehlig fahrt ins Liecht.
 

April 2013