Startseite zum Kontaktformular Telefon zum Menü
Mitglied were

Gedichte

Lehnenreiten

Burte, Hermann
Der Joggeli wott uusfahre,
Wott syni Schüehli spaare,
E Rößli het er kais,
Kai Schlitten un kai Gütschli,
Kai Auto zueme Rütschli,
Wie macht er jez die Rais?

Bym Ruedigötti ähne
Do hets e Stägelähne
Schön glattboliert un stiil!
Do cha men abesuuse
Hui rutsch ab! undenuuse
So gschwind as wie ne Pfiil!

Jez fahrt der Joggeli nobel!
Es pfiift as wie ne Hobel
Huiwitsch, das het e Schwung!
Das dhuet die Höseli wetze
Ganz heiß im End zue, jeze:
Hupp, Joggeli, mach e Sprung!

Es chläpperet un rumplet,
Es tschätteret un bumplet,
O je, my Ryter keit!
Sy Stirne het e Moose,
Die schöne neue Hose
Sin radikal verheit!

Das Blättli het sie gwendet,
Jez würd der Joggeli gschändet,
Er chennt sy Mamme scho;
Jo, d‘ Lehne isch zuem Griife,
Me het sie nit zuem Schliife,
Das mueß me bliibe loh!

November 2013


Impressum Datenschutz