Gedichte
Narri – Narro !
Meyer, OttoD Fasnet isch e hochi Zit,
wu alli Narre lobe:
vum “Schmutzige”, wu’s Glunker git,
bis am Zischdigzobe!
Jetz sin si do, dia Narretäg,
un mänks isch wieder botte;
do goht mr ani – wellewäg –
sunnscht wär mr nit ganz gsotte!
E frohi Fasnet – süfer, zimpftig,
do bisch drbi mit Hüt un Hoor;
des soll so si – jetz un aü kimpftig,
no fraisch di druf, wia alli Johr!
Mit Lib un Seel muasch d Larve trage;
des kann nit jeder, sell isch wohr –
trotz Mummeschanz derfsch nia v’rsage,
aü do goht gwiss dr Aschtand vor!
Februar 2002
Mitglied werden
Nu nit debii? Dann aber flott! Jetzt mitmache und Mitglied were! So findsch uns
mehr Infos
mehr Infos