Gedichte

Vor ere Sanduhr

Jung, Gerhard
Du traisch dii Zit in Diinre Hand
un s Lebe lauft dädur wie Sand:
E Chörnli Freud,
e Chörnli Leid.
Weiß ein, wenn s letzti abegheit?

Heb s Zitmäß fest, un dank. Un denk:
s letzt Chorn im Glas isch no ne Gschenk.
Leb jedi Stund vum Leben uus,
no segne Gott
di un dii Huus!

Denk allewiil mit Wille dra,
aß jedi Stund di letzt sii cha.
Un sorg im Glück
wie in de Not,
aß dir kei Chorn verlore goht.

 

März 2010